ព័ត៌មានជាតិ
អត្រាឆ្លងកូវីដ១៩ ក្នុងខេត្តស្ទឹងត្រែងមានការថយចុះ ដោយរកឃើញអ្នកវិជ្ជមាន តែ១០នាក់ប៉ុណ្ណោះ
គិតត្រឹមល្ងាចម៉ោង៥:០០នាទីល្ងាចថ្ងៃទី៣០ ខែមិថុនា ឆ្នាំ២០២១នេះ អត្រាអ្នកឆ្លងកូវីដ១៩ មានការថយចុះ រដ្ឋបាលខេត្តបានប្រកាសរកឃើញអ្នកឆ្លងជំងឺកូវីដ១៩ត្រឹមតែ ១០នាក់តែប៉ុណ្ណោះ។
ក្រុមមន្ត្រីជំនាញនៃមន្ទីរសុខាភិបាលខេត្តបានមានប្រសាសន៍ថា ទោះបីជំងឺកូវីដ១៩ មានការថយចុះ យ៉ាងណាក៏ដោយសូមបងប្អូនប្រជាពលរដ្ឋ ត្រូវតែលើកកម្ពស់ការប្រុងប្រយ័ត្នត្រូវអនុវត្តតាមវិធានសុខាភិបាល ៣ការពារ ៣កុំ នេះជាវិធានការដ៏មានប្រសិទ្ធភាពខ្ពស់បំផុតសម្រាប់យើងគ្រប់គ្នា។ មន្ត្រីជំនាញបានបញ្ជាក់បន្ថែមថា ក្នុងរយៈពេល៧ថ្ងៃកន្លងមកនេះ យើងឃើញមានអត្រាឆ្លងច្រើន រហូតដល់ជាង ២០០នាក់ ដោយភាគច្រើនចេញពីអាហារដ្ឋានភោជនីយដ្ឋាននិងហាងខារ៉ាអូខេ ដែលបន្តកើតមានឆ្លងដល់ភូមិឃុំមួយចំនួនថែមទៀត នេះក៏ព្រោះតែបងប្អូនប្រជាពលរដ្ឋមួយចំនួន ខ្វះការចូលរួមអនុវត្តនូវវិធានសុខាភិបាល។
មិនតែប៉ុណ្ណោះរដ្ឋបាលខេត្តស្ទឹងត្រែងបានចេញសេចក្តីប្រកាសបិទខ្ទប់ នៅទីតាំងជាច្រើន រួមទាំងភូមិឃុំ ដែលជាទីតាំងចម្លងរីករាយដាលនៅជំងឺកូវីដ១៩។ បន្ទាប់ពីមានការបិទខ្ទប់ទីតាំងជាច្រើនរដ្ឋបាលខេត្ត បានធ្វើការផ្សព្វផ្សាយឲ្យអ្នកពាក់ព័ន្ធផ្ទាល់ និងប្រយោលធ្វើតេស្តរកមេរោគកូវីដ១៩ រហូតមកដល់ថ្ងៃទី៣០មិថុនានេះ គឺមានអត្រាថយចុះគួរឲ្យកត់សម្គាល់ រកឃើញអ្នកឆ្លងត្រឹមតែ ១០នាក់ប៉ុណ្ណោះ។ រដ្ឋបាលខេត្តស្ទឹងត្រែង សូមអំពាវនាវហើយអំពាវនាវទៀត ដើម្បីកាត់បន្ថយនូវអត្រាឆ្លងកូវីដ១៩ប្រជាពលរដ្ឋទាំងអស់ ត្រូវចូលរួមអនុវត្តវិធានការ ៣ការពារ ៣កុំ ឲ្យបានខ្ជាប់ខ្ជួនគ្រប់ៗគ្នាជាពិសេស គឺការពាក់ម៉ាស និងលាងសំអាតដៃនិងអាល់កុល ឬសាប៊ូជាប់ជាប្រចាំ និងរក្សាគម្លាតសុវត្ថិភាព។
គិតត្រឹមម៉ោង៥ល្ងាចថ្ងៃទី៣០ ខែមិថុនា ឆ្នាំ២០២១នេះ ខេត្តស្ទឹងត្រែង មានអ្នកឆ្លងកូវីដ១៩ មានចំនួន២៦៤នាក់ ស្រី១២៤នាក់ ជាសះស្បើយ ១៦នាក់ ស្លាប់គ្មាន និងអ្នកកំពុងសម្រាកព្យាបាល ២៤៨នាក់ ស្រី១១៧នាក់៕
អត្ថបទ៖ ងិនលីម
សូមចុចអាន៖
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម