ខេត្តស្ទឹងត្រែង រកឃើញអ្នកឆ្លងកូវីដ ថ្មីចំនួន៩នាក់បន្ថែម

រដ្ឋបាលខេត្តស្ទឹងត្រែង ចេញសេចក្តីប្រកាសរកឃើញអ្នកឆ្លងកូវីដ-១៩ ចំនួន ៩ នាក់ បន្ថែមទៀត គិតត្រឹមម៉ោង ៥និង00នាទីរសៀលថ្ងៃទី០៧ ខែកក្កដា ឆ្នាំ២០២១នេះ។

ក្រុមការងារឆ្លើយតបបន្ទាន់ នៃមន្ទីរសុខាភិបាលខេត្តបានបញ្ជាក់ថា មនុស្សចំនួនប្រាំ៩នាក់ដែលរកឃើញឆ្លងកូវីដ-១៩ មាន៧នាក់ជាករណីនាំចូល មកពីខេត្តកណ្ដាល ៤នាក់ឧត្តរមានជ័យ ម្នាក់មកពីខេត្តព្រៃវែង ម្នាក់ត្បូងឃ្មុំម្នាក់។

ក្រុមមន្ត្រីជំនាញនៃមន្ទីរសុខាភិបាលខេត្តបានបញ្ជាក់ថា ជំងឺកូវីដ១៩ នៅតែតេស្តរកឃើញជារៀងរាល់ថ្ងៃ ទាំងករណីនាំចូល និងនៅក្នុងភូមិសាស្ត្រខេត្តស្ទឹងត្រែង ជាករណីរីករាលដាលសាកល សូមបងប្អូនប្រជាពលរដ្ឋ ត្រូវតែមានការប្រុងប្រយ័ត្ន ត្រូវអនុវត្តតាមវិធានសុខាភិបាល ៣ការពារ -៣កុំ នេះជាវិធានការ ដែលយើងត្រូវចងចាំជានិច្ច។

មន្ត្រីជំនាញបន្តថា អ្នករកឃើញជំងឺកូវីដ-១៩ ខាងលើ ត្រូវបានបញ្ជូនមកព្យាបាលនៅមណ្ឌលចត្តាឡីស័កកម្រិត២ គុរុកោសល្យភូមិភាគ។

គិតត្រឹមម៉ោង ៥:០០នាទីរសៀលថ្ងៃទី០៧ ខែកក្កដា ឆ្នាំ២០២១នេះ ខេត្តស្ទឹងត្រែងមានអ្នកឆ្លងសរុប ៣៧៣នាក់ ស្រី១៧២នាក់ ជាសះស្បើយ ២៣ នាក់ស្រី ៩ នាក់ ស្លាប់គ្មាន និងកំពុងសម្រាកព្យាបាល៣៥០នាក់ស្រី១៦៣នាក់៕

អត្ថបទ ៖ ងិនលីម