ព័ត៌មានអន្ដរជាតិ
ទស្សនាវដ្តីល្បីឈ្មោះមួយអះអាងថា វ៉ាក់សាំង Sinovac មានប្រសិទ្ធភាពខ្លាំងប្រឆាំងរោគសញ្ញាកូវីដ
វ៉ាក់សាំង CoronaVac ដែលត្រូវបានបង្កើតឡើងដោយក្រុមហ៊ុនផលិតឱសចិន Sinovac ចំនួន ២ ដូស ផ្តល់ការការពារ ៨៣.៥ ភាគរយប្រឆាំងនឹងរោគសញ្ញាជំងឺកូវីដ ១៩ ។ នេះបើយោងតាមការស្រាវជ្រាវ ដែលត្រូវបានចេញផ្សាយនៅក្នុងទស្សនាវដ្តីវេជ្ជសាស្ត្រ The Lancet កាលពីថ្ងៃព្រហស្បតិ៍ ។

ការសាកល្បងព្យាបាលដំណាក់កាលទី ៣ សម្រាប់ការចាក់វ៉ាក់សាំងនេះ មានការចូលរួមពីអ្នកស្ម័គ្រចិត្តជាង ១ ម៉ឺននាក់ដែលមានអាយុពី ១៨ ទៅ ៥៩ ឆ្នាំ ហើយត្រូវបានធ្វើឡើងនៅក្នុងប្រទេសទួរគីចន្លោះខែកញ្ញា ឆ្នាំ ២០២០ និងខែមករា ឆ្នាំ ២០២១ ខណៈអ្នកចូលរួមទទួលការចាក់វ៉ាក់សាំង CoronaVac ចំនួន ២ ដូសក្នុងរយៈពេល ១៤ ថ្ងៃ ។
ទិន្នន័យបណ្តោះអាសន្នពីការសាកល្បងនោះបង្ហាញថា វ៉ាក់សាំងនេះមានសុវត្ថិភាព និងបង្កឲ្យមានការឆ្លើយតបនៃភាពស៊ាំរឹងមាំ ។

ទន្ទឹមនោះ ភាគច្រើននៃផលប៉ះពាល់មិនល្អដែលត្រូវបានរាយការណ៍គឺស្រាល ក្នុងនោះរួមទាំងអស់កម្លាំង ឈឺនៅកន្លែងចាក់វ៉ាក់សាំង និងឈឺសាច់ដុំ ដែលកើតឡើងក្នុងរយៈពេល ៧ ថ្ងៃបន្ទាប់ពីចាក់ ខណៈមិនមានការកត់សម្គាល់ផលប៉ះពាល់ធ្ងន់ធ្ងរណាមួយ ក្នុងអំឡុងពេលសិក្សានេះនោះទេ ។
គុណសម្បត្តិមួយរបស់វ៉ាក់សាំង CoronaVac គឺថា វាមិនចាំបាច់ដាក់ក្នុងកន្លែងកក ហើយងាយស្រួលក្នុងការដឹកជញ្ជូន និងចែកចាយ ។ នេះហើយជាសារៈសំខាន់ ជាពិសេសសម្រាប់ការចែកចាយជាសកល ព្រោះប្រទេសខ្លះ អាចនឹងព្យាយាមរក្សាទុកវ៉ាក់សាំងយ៉ាងច្រើននៅសីតុណ្ហភាពទាប ។

វ៉ាក់សាំងដែលអាចរក្សាទុក និងដឹកជញ្ជូនក្នុងសីតុណ្ហភាព ២ ទៅ ៨ អង្សាសេ ត្រូវបានអនុម័តឲ្យប្រើប្រាស់ជាបន្ទាន់នៅក្នុងប្រទេសជាង ២០ ហើយ ហើយបានស្ថិតនៅក្នុងការសាកល្បងដំណាក់កាលទី ៣ ចាប់តាំងពីពាក់កណ្តាលឆ្នាំ ២០២០ នៅក្នុងប្រទេសប្រេស៊ីល ឥណ្ឌូណេស៊ី ឈីលី និងទួរគី ។
គួរបញ្ជាក់ថា វ៉ាក់សាំង CoronaVac ត្រូវបានអនុម័តសម្រាប់ការប្រើប្រាស់ជាបន្ទាន់ ដោយអង្គការសុខភាពពិភពលោក (WHO) នៅថ្ងៃទី ១ ខែមិថុនា ដែលមានន័យថា វាត្រូវនឹងស្តង់ដារអន្តរជាតិសម្រាប់សុវត្ថិភាព ប្រសិទ្ធភាព និងការផលិតជាដើម ៕

ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ វ៉ាក់សាំងចិន Sinovac មានប្រសិទ្ធភាពខ្លាំងក្លារហូត ៩៦ ភាគរយចំពោះកុមារ

-
ព័ត៌មានអន្ដរជាតិ២ ថ្ងៃ ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ២ ថ្ងៃ ago
ចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៧ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានអន្ដរជាតិ៤ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៤ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានអន្ដរជាតិ៧ ម៉ោង ago
មេភូមិភាគ២ថៃ ចេញឃ្លិបថា នៅមានជីវិត តែវីដេអូដូចខុសប្រក្រតី និងចម្លែក
-
ព័ត៌មានអន្ដរជាតិ១ សប្តាហ៍ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា