ព័ត៌មានអន្ដរជាតិ
ពលរដ្ឋ អាហ្វហ្គានីស្ថាន សម្រុកទៅទិញទិដ្ឋាការក្នុងទីផ្សារងងឹត ឯតម្លៃខុសគ្នាកប់ក្ដោង
ទូរទស្សន៍អាហ្វហ្គានីស្ថានបានរាយការណ៍កាលពីថ្ងៃព្រហស្បតិ៍ថា ចំនួនជនជាតិអាហ្វហ្គានីស្ថានទិញទិដ្ឋាការទីផ្សារងងឹតក្នុងតម្លៃខ្ពស់កំពុងកើនឡើង ខណៈស្ថានទូតនៅទីក្រុងកាប៊ុលនៅតែបិទទ្វារ ។
ដោយដកស្រង់ពីសារព័ត៌មាន TOLOnews នាយកទីភ្នាក់ងារទេសចរណ៍នៅទីក្រុងកាប៊ុលលោក Shafi Samim បាននិយាយថា ដោយសារស្ថានទូតភាគច្រើនត្រូវបានបិទ បន្ទាប់ពីរដ្ឋាភិបាលក្នុងទីក្រុងកាប៊ុលដួលរលំ មានតែទិដ្ឋាការប៉ាគីស្ថានប៉ុណ្ណោះដែលអាចទទួលបានដោយស្របច្បាប់នៅអាហ្វហ្គានីស្ថាន ។ មនុស្សកំពុងទិញទិដ្ឋាការពីប្រទេសមួយចំនួននៅលើទីផ្សារងងឹតក្នុងតម្លៃដែលថ្លៃទ្វេដង ឬបីដងនៃថ្លៃទិដ្ឋាការក្រោមរដ្ឋាភិបាលមុន ។
លោក Samim បាននិយាយទៀតថា “តម្លៃពិតប្រាកដសម្រាប់ទិដ្ឋាការប្រទេសតាជីគីស្ថានគឺ ៦០ ដុល្លារ ប៉ុន្តែនៅលើទីផ្សារងងឹតគឺប្រហែល ៣៥០ ទៅ ៤០០ ដុល្លារ ។ ចំណែកតម្លៃពិតប្រាកដសម្រាប់ទិដ្ឋាការប្រទេសទួរគីគឺ ១២០ ដុល្លារ ប៉ុន្តែនៅលើទីផ្សារងងឹតវាឡើងដល់ ៥ ពាន់ដុល្លារ ហើយមានអាថ៌កំបាំងជាច្រើនដែលយើងមិនបានដឹងចំពោះអ្នកចែកចាយផ្ទាល់” ។
ស្របពេលជាមួយគ្នានេះ មន្រ្តីទីភ្នាក់ងារទេសចរណ៍មួយចំនួន និងប្រជាពលរដ្ឋអាហ្វហ្គានីស្ថានបានអំពាវនាវឲ្យស្ថានទូតបរទេសបើកឡើងវិញ ដើម្បីរុះរើទីផ្សារងងឹត ។
ទន្ទឹមនោះវាក៏កើតឡើង ស្របពេលដែលតាលីបង់បាននិយាយកាលពីកន្លងមកថា ប្រជាជននឹងត្រូវបានអនុញ្ញាតឲ្យចាកចេញពីអាហ្វហ្គានីស្ថាន នៅពេលអាកាសយានដ្ឋានកាប៊ុលត្រូវបានបើកឡើងវិញក៏ដូចជាសមាសភាពគណៈរដ្ឋមន្ត្រីត្រូវបានបង្ហាញ ។
គួររំឭកថា នៅថ្ងៃទី ៩ ខែកញ្ញា ជើងហោះហើរដឹកអ្នកដំណើរលើកដំបូង ចាប់តាំងពីការជម្លៀសយោធាអាមេរិកត្រូវបានធ្វើឡើងដោយក្រុមហ៊ុនអាកាសចរណ៍ជាតិ Qatar Airways របស់ប្រទេសកាតាបានបញ្ជូនពលរដ្ឋ ១១៤ នាក់នៃប្រទេសចំនួន ៥ ទៅកាន់ទីក្រុងដូហា ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ