វិទ្យុបារាំងអន្តរជាតិ (RFI)ប្រចាំកម្ពុជា​ត្រូវផ្អាក​ការផ្សាយ

វិទ្យុបារាំង​អន្តរជាតិ​​ប្រចាំ​កម្ពុជា​​ត្រូវផ្អាកការ​ផ្សាយ​បណ្តោះ​អាសន្ន​ នៅព្រឹក​ថ្ងៃ​ទី៣ ខែ​ធ្នូ ២០២០។នេះបើតាមទំព័រហ្វេសបុកផ្លូវការ​វិទ្យុខាងលើ។ មូល​ហេតុ​គឺដោយសារ​ការិយាល័យ​វិទ្យុ​ស្ថិត​នៅ​ទីតាំងក្នុងអគារកាណាឌីយ៉ា។

តាមប្រភពខាងលើឱ្យ​ដឹង​ថា វិទ្យុបារាំងអន្តរជាតិ RFI ការផ្សាយរបស់វិទ្យុយើង ចាប់ពីពេលនេះតទៅត្រូវអាក់ខាន ដោយហេតុថា ការិយាល័យមានទីតាំងស្ថិតនៅក្នុងអគារកាណាឌីយ៉ា។ អគារកាណាឌីយ៉ា ដែលត្រូវអាជ្ញាធរប្រកាសបិទជាបណ្ដោះអាសន្នបន្ទាប់ពីរកឃើញករណីវិជ្ជមានកូវីដ-១៩លើបុរសម្នាក់ដែលធ្វើការនៅធនាគារចិននៃអគារកាណាឌីយ៉ានេះ។

វិទ្យុបារាំងអន្តរជាតិ RFI បានថ្លែងអំណរគុណ ចំពោះការយោគយល់របស់លោកអ្នក។ ចំពោះការវិលត្រឡប់មកផ្សាយដូចធម្មតាវិញ វិទ្យុនឹងជូនដំណឹងដល់លោកអ្នកនាពេលក្រោយទៀត៕