ព័ត៌មានជាតិ
លោក ហ៊ុយ វណ្ណៈ ចែករំលែករូបមន្តសរសេរព័ត៌មាន ៣ ទម្រង់ ជាមូលដ្ឋានគ្រឹះនៃព័ត៌មាន
ក្នុងនាមប្រធានសហភាពសហព័ន្ធអ្នកសារព័ត៌មានកម្ពុជា លោក ហ៊ុយ វណ្ណៈ តាមរយៈបណ្ដាញសង្គមកាលពីពេលថ្មីៗនេះ បានចែករំលែកនូវរូបមន្ត ៣ ទម្រង់ផ្សេងគ្នា ដើម្បីជាមូលដ្ឋានគ្រឹះមកអនុវត្តន៍ក្នុងការសរសេរព័ត៌មានឲ្យបានត្រឹមត្រូវ។
លោក ហ៊ុយ វណ្ណៈ បានលើកបង្ហាញ «រូបមន្ត ៣ ទម្រង់» ផ្សេងគ្នា សម្រាប់ជាមូលដ្ឋានគ្រឹះសរសេរព័ត៌មានរួមមាន ទី១ «ព័ត៌មានទូទៅ» ប្រើទម្រង់ (5W+1H) ទី២ «ព័ត៌មានសេដ្ឋកិច្ច» ប្រើទម្រង់ (CCE+CCF) និងទី៣ «ព័ត៌មានកីឡា» ប្រើទម្រង់ (3S)។
ប្រធានសហភាពសហព័ន្ធអ្នកសារព័ត៌មានកម្ពុជា លោក ហ៊ុន វណ្ណៈ បានគូសបញ្ជាក់ថា កន្លងមកភាគច្រើនការសរសេរច្រើនយកតែរូបមន្តទី១ ទៅអប់រំតម្រង់ទិស ដោយមិនបានយករូបមន្ត ២ ផ្សេងទៀតទៅប្រើ។ អ្វីដែលលោកសង្ស័យដ៏ប្រាកដ គឺអាចមកពីមិនសូវមានអ្នកចេះរូបមន្តទី២ និងទី៣។
ប្រធានសហភាពសហព័ន្ធអ្នកសារព័ត៌មានកម្ពុជារូបនេះបានពន្យល់យ៉ាងដូច្នេះថា «ព័ត៌មានកីឡា» គឺគេសរសេរអំពី តារាជាកីឡាករ ពិន្ទុប្រកួត លទ្ធផលប្រកួត និងស្ថិតិ ឬសាវតារការប្រកួត។ គេអត់និយាយពី ឯកឧត្តម ឧកញ៉ា អញ្ជើញជាអធិបតីដ៏ខ្ពង់ខ្ពស់នោះទេ។
ដោយឡែក «ព័ត៌មានសេដ្ឋកិច្ច» គឺគេសរសេរអំពីនិន្នាការប្រែប្រួលនៃ តម្លៃ ទំហំ បរិមាណ របស់ផលិតផលឬទំនិញ និន្នាការទីផ្សារ និន្នាការបញ្ជាទិញ ការលក់ ជាមួយនឹងការប្រៀបធៀបរយៈពេលកំណើន ការប្រែប្រួលនិងការព្យាករណ៍របស់អ្នកជំនាញ។ គេអត់សរសេរថា ពិធីសម្ពោធនេះក្រោមអធិបតីភាពដ៏ខ្ពង់ខ្ពស់របស់លោកជំទាវ ឯកឧត្តម ឧកញ៉ាអីនោះ។ វត្តមានភ្ញៀវ គឺជាល្បោយបន្ទាប់បន្សំប៉ុណ្ណោះ។
មួយវិញទៀតចំពោះ «ព័ត៌មានជាប្រភពចំណេះដឹង» ដែលអាចវាយតម្លៃ ព្យាករណ៍ និងជាមូលដ្ឋានសម្រេចចិត្ត! មិនអាចផលិតព័ត៌មានសម្រាប់គ្រាន់តែបង្ហាញម៉ូតឡង់សេនោះទេ។ ដូច្នេះ ទាមទារឲ្យអ្នកដឹកនាំ និងអ្នកធ្វើការក្នុងវិស័យនេះ យល់ដឹងនូវមូលដ្ឋានគ្រឹះទាំង ៣ ហើយបន្តពង្រឹងសមត្ថភាពជាប្រចាំ៕
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ