ព័ត៌មានអន្ដរជាតិ

Omicron វិវត្តខុសពីវីរុសបំប្លែងខ្លួនសាហាវៗផ្សេងទៀត

បានផុស

៤ years មុន

នៅ

ថ្ងៃអាទិត្យ ៥ ធ្នូ ២០២១

ដោយ

សាង ស្រីល័ក្ខ

អ្នកស្រាវជ្រាវជនជាតិជប៉ុនម្នាក់ និយាយថា Omicron ទំនងជាវិវត្តខុសពី ប្រភេទវីរុសបំប្លែងខ្លួន Alpha ឬ Delta។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមមួយដែលដឹកនាំដោយសាស្ត្រាចារ្យ Kosaki Kenjiro នៃសាលាវេជ្ជសាស្ត្រសាកលវិទ្យាល័យ Keio បាននឹងកំពុងវិភាគទិន្នន័យហ្សែន នៃមេរោគឆ្លង ដែលត្រូវបានរាយការណ៍ជុំវិញពិភពលោក។ ក្រុមកំពុងសិក្សាពីប្រភពដើម ការ វិវត្ត និងឥទ្ធិពលនៃវីរុសបប្លែងខ្លួន។

លោក Kosaki និយាយថា លោកមិនអាចកំណត់ប្រភពដើមភូមិសាស្ត្រ នៃវីរុសបប្លែងខ្លួន Omicron បានទេ ប៉ុន្តែថា វាទំនងជាទីតាំងដែលការវិភាគហ្សែនមិនត្រូវបានធ្វើឡើងពេញលេញ ឬទំនងជាកើតឡើងតាមរយៈការវិវត្ត បង្កទៅ ជាប្រភេទ ដែលខុសពីប្រភេទ Alpha ឬ Delta។

លោក Kosaki បន្ថែមទៀតថា វីរុសបំប្លែងខ្លួននេះ មានបំរែបំរួលប្រហែល ៣០ នៃប្រូតេអ៊ីន spike របស់វា ដែលជាផ្នែកនៃមេរោគដែលនៅ ជាប់ និងភ្ជាប់ទៅ នឹងកោសិកាមនុស្ស។ នោះជាចំនួនបីដង ច្រើនជាង Delta និងវីរុសបំប្លែងខ្លួនផ្សេងទៀត។

សាស្ត្រាចារ្យនិយាយថា Omicron ត្រូវបានរាយការណ៍ដំបូង ដោយវិទ្យាស្ថានស្រាវជ្រាវមួយនៅ អាហ្វ្រិកខាងត្បូង ប៉ុន្តែទិន្នន័យបង្ហាញថា វីរុសនេះ បានរីករាលដាលរួចហើយ នៅ ក្នុងទ្វីបអឺរ៉ុប។ ទោះយ៉ាងណា Omicron មានភាពខុសប្លែកគ្នាជាច្រើន ពីវីរុសបំប្លែងខ្លួនសាហាវៗផ្សេងទៀត ហើយថា ការវិភាគបន្ថែម គឺចាំបាច់ដើម្បីសិក្សាថា តើ Omicron អាចបណ្តាលឲ្យមានរោគសញ្ញាធ្ងន់ធ្ងរដែរឬទេ៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ថៃ អួតថា វីរុស Omicron មានឱកាសតិចណាស់ចូលក្នុងប្រទេសខ្លួន ដោយសារវិធានការទាំងនេះ