លោក ស្បោង សារ៉ាត ណែនាំមន្រ្តីថ្នាក់ក្រោម​អនុវត្តតាមគោលនយោបាយ​ភូមិឃុំមានសុវត្ថិភាព​ដល់ពលរដ្ឋ

ព្រៃវែង៖នៅព្រឹកថ្ងៃទី ០៤ ខែធ្នូ ឆ្នាំ ២០២២ ក្រុមប្រឹក្សាខេត្តព្រៃវែង បានបើកកិច្ចប្រជុំ ក្រោមអធិបតីភាព លោក ស្បោង សារ៉ាត ប្រធានក្រុមប្រឹក្សាខេត្ត ដែលមានការអញ្ជើញចូលរួមពី អភិបាលរងខេត្ត និងអ្នកពាក់ព័ន្ធមួយចំនួនទៀត។

លោក ស្បោង សារ៉ាត ថ្លែងនៅក្នុងកិច្ចប្រជុំសាមញ្ញលើកទី៣១ អាណត្តិទី៣ ណែនាំឱ្យគណៈបញ្ជាការឯកភាពខេត្ត លើកកម្ពស់ ការការពារ សន្តិសុខ សណ្ដាប់ធ្នាប់ សុវត្ថិភាពសង្គម ជាពិសេស ការអនុវត្តគោលនយោបាយ ភូមិ ឃុំ មានសុវត្ថិភាព របស់រាជរដ្ឋាភិបាល ឱ្យមានប្រសិទ្ធភាពខ្ពស់ ខិតខំដោះស្រាយបញ្ហាប្រឈមនានា ដែលនៅសេសសល់ឲ្យបានឆាប់ និងទាន់ពេលវេលា។

លោកបន្តថា នៅតាមមន្ទីរអង្គភាព ត្រូវពង្រឹងការផ្ដល់សេវាសាធារណៈ ជូនប្រជាពលរដ្ឋឲ្យបានល្អប្រសើរ តាមតួនាទីភារកិច្ចរៀងៗខ្លួន ដែលក្រសួងដាក់ជូន និងថ្នាក់ដឹកនាំខេត្តប្រគល់ជូនធ្វើយ៉ាងណាឱ្យប្រជាពលរដ្ឋ មានការពេញចិត្ត ចំពោះការគ្រប់គ្រងរបស់ថ្នាក់ដឹកនាំខេត្ត ជាពិសេស ប្រមុខរាជរដ្ឋាភិបាល ដែលមានសម្ដេចអគ្គមហាសេនាបតី ដេចជោហ៊ុនសែន ជានាយករដ្ឋមន្ត្រី។

ជាមួយគ្នានេះ ប្រធានក្រុមប្រឹក្សាខេត្ត បានណែនាំ ដល់មន្ទីរធនធានទឹក និងទុកតុនិយម ខេត្ត ត្រូវយកចិត្តទុកដាក់កំណត់ផ្ទៃបឹង ឲ្យបានច្បាស់លាស់ ទុកសម្រាប់ ជាផលប្រយោជន៍ ជាជម្រកត្រី ត្រីពូជ សម្រាប់បន្តពូជ ក្នុងការផ្គត់ផ្គង់ ជីវភាពរស់នៅប្រចាំថ្ងៃរបស់ប្រជាពលរដ្ឋ៕ដោយ៖ សៅគ្រី