ជំនួបរវាងលោក ស៊ុយ សែម និងទូតអ៊ីស្លាមអ៊ីរ៉ង់ ជជែកលើវិស័យថាមពល និងប្រេងកាត

ជំនួបសម្ដែងការគួរសម និងពិភាក្សាការងាររវាងលោក ស៊ុយ សែម រដ្ឋមន្រ្តីក្រសួងរ៉ែ និងថាមពល និងលោក Ali Akbar Nazari ឯកអគ្គរដ្ឋទូត នៃសាធារណរដ្ឋអ៊ីស្លាមអ៊ីរ៉ង់ ប្រចាំកម្ពុជា បានជជែកលើរបៀបវារៈមួយចំនួន ពាក់ព័ន្ធនឹងវិស័យថាមពល ប្រេងកាត និងអគ្គិសនី។

នៅថ្ងៃទី ២១​ ខែ កុម្ភៈ ឆ្នាំ ២០២២ លោក ស៊ុយ សែម រដ្ឋមន្រ្តីក្រសួងរ៉ែ និងថាមពល បានទទួលជួបសម្តែងការគួរសម​ និងពិភាក្សាការងារជាមួយ លោក Ali Akbar Nazari ឯកអគ្គរដ្ឋទូត នៃសាធារណរដ្ឋអ៊ីស្លាមអ៊ីរ៉ង់ប្រចាំកម្ពុជា ដែលមាននិវេសនដ្ឋាននៅទីក្រុងហាណូយ ពាក់ព័ន្ធ​នឹងការអភិវឌ្ឍវិស័យថាមពល និងប្រេងកាត។

របៀបវារៈ ដែលបានជជែកក្នុងជំនួបពិភាក្សាការងារនេះ មានចំនួន ៤ចំណុចដូចខាងក្រោម៖

១. កិច្ចសហប្រតិបត្តិការលើវិស័យប្រេងកាត រួមមាន ការវិនិយោគ និងការអភិវឌ្ឍប្លុកប្រេងកាតរបស់កម្ពុជាដែលមានស្រាប់ និងការសិក្សាស្វែងរុករកប្រេងនិងឧស្ម័នបន្ថែម

២. គម្រោងសិក្សាសមិទ្ធលទ្ធភាពនៃការរៀបចំរោងចក្រចម្រាញ់ប្រេងកាតនៅកម្ពុជា ក៏ដូចជាជំនួយបច្ចេកទេសនិងការបណ្តុះបណ្តាលធនធានមនុស្សក្នុងវិស័យប្រេងកាត

៣. កិច្ចសហប្រតិបត្តិការពាណិជ្ជកម្មថាមពល ការកៀងគរការវិនិយោគ និងការអភិវឌ្ឍហេដ្ឋារចនាសម្ព័ន្ធអគ្គិសនី

៤. ការអញ្ជើញគណៈប្រតិភូជាន់ខ្ពស់ក្រសួងរ៉ែនិងថាមពល ទៅធ្វើទស្សនកិច្ចសិក្សានិងផ្លាស់ប្តូរពិសោធន៍ នៅប្រទេសអឺរ៉ុង៕