សន្តិសុខសង្គម

ករណីទាក់ឆ្កែផ្អើលពេញបណ្ដាញសង្គម ពេលនេះសមត្ថកិច្ចឃាត់មនុស្ស៩នាក់

បានផុស

៤ years មុន

នៅ

ថ្ងៃសៅរ៍ ១២ មីនា ២០២២

ដោយ

ភ្នំពេញ ៖ បន្ទាប់ពីមានករណីកាប់ស៊ីសាច់ឆ្កែប្រភេទ Husky ៣ក្បាលផ្អើលពេញបណ្ដាញសង្គមនោះ ពេលនេះសមត្ថកិច្ច បានចុះឃាត់ខ្លួនមនុស្ស៩នាក់ ដែលជាកម្មករសំណង់យកទៅសាកសួរ។ ករណីនេះផងដែរ កើតឡើងនៅភូមិស្វាយធំ សង្កាត់ក្រាំងអំពិល ក្រុងកំពត ខេត្តកំពត។

បើតាមលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតបានឲ្យដឹងថា ចំពោះករណីនេះ សមត្ថកិច្ចបានឃាត់ខ្លួនជនសង្ស័យចំនួន ៩នាក់ ដើម្បីសាកសួរពាក់ព័ន្ធករណីចាប់សត្វឆ្កែយកទៅសម្លាប់ធ្វើម្ហូប។ ម្ចាស់ឆ្កែទាំងបីក្បាលឈ្មោះ លី ធីឌីន ភេទស្រី អាយុ ៦២ឆ្នាំ នៅភូមិស្វាយធំ ឃុំគ្រាងអំពិល សង្កាត់កំពង់បាយ ខេត្តកំពត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្នងការបានបញ្ជាក់ថា ជនសង្ស័យទាំង ០៩នាក់ ដែលឃាត់ខ្លួនរួមមាន:

១.ឈ្មោះ តុក ឡុង ភេទប្រុស អាយុ១៩ឆ្នាំ ទីលំនៅបច្ចុប្បន្នភូមិត្រពាំងស្កន់ ឃុំជីផុច ស្រុកមេសាង ខេត្តព្រៃវែង ។

២.ឈ្មោះ អ៊ាន ពិសិដ្ឋ ភេទប្រុស អាយុ៤២ឆ្នាំ ទីលំនៅបច្ចុប្បន្ន ភូមិចំរើនផល សង្កាត់បឹងទំពន ខណ្ឌមានជយ័ រាជធានី ភ្នំពេញ ។

៣.ឈ្មោះ វង្ស វណ្ណេត ភេទប្រុស អាយុ៣៨ ឆ្នាំ ទីលំនៅបច្ចុប្បន្នភូមិស្វាយធំ សង្កាត់ក្រាំងអំពិល ក្រុងកំពត ខេត្តកំពត ។

៤.ឈ្មោះ វ៉ាន់ វុទ្ធី ភេទប្រុស អាយុ២៥ឆ្នាំទីលំនៅបច្ចុប្បន្ន ភូមិ ស្វាយធំ សង្កាត់ក្រាំង អំពិល ក្រុងកំពត ខេត្តកំពត ។

៥.ឈ្មោះ ស្រេង បូរិទ្ធ ភេទប្រុស អាយុ៣៣ ឆ្នាំ ទីលំនៅបច្ចុប្បន្នភូមិថ្មគោល ឃុំរអាង ស្រុកំពង់សៀម ខេត្តសៀមរាប ។

៦.ឈ្មោះ អ៊ុ សំអុល ភេទប្រុស អាយុ៥២ឆ្នាំទីលំនៅបច្ចុប្បន្នភូមិដំណាក់ហ្លួង ឃុំព្រៃថ្នង ស្រុកទឹកឈូ ខេត្តកំពត ។

៧.ឈ្មោះ ហៀប លីត ភេទប្រុស អាយុ២៥ ឆ្នាំ ទីលំនៅបច្ចុប្បន្ន ភូមិត្រពាំងស្គន់ ឃុំជីផុច ស្រុកមេសាង ខេត្តព្រៃវែង ។

៨.ឈ្មោះ សាន សុគុន ភេទប្រុស អាយុ៥២ ឆ្នាំ ទីលំនៅបច្ចុប្បន្នភូមិស្វាយធំ សង្កាត់ក្រាំងអំពិល ក្រុងកំពត ខេត្តកំពត ។

៩.ឈ្មោះ នេត តេង ភេទប្រុស អាយុ៥០ឆ្នាំ ទីលំនៅបច្ចុប្បន្នភូមិត្រពាំងកក់ ឃុំស្ទឹងកែវ ស្រុកទឹកឈូ ខេត្តកំពត ។

គួររំលឹកថា កាលពីថ្ងៃទី១១ ខែមីនា ឆ្នាំ២០២២ រឿងរ៉ាវមួយទាក់ទងការចាប់ខ្លួននេះ បានធ្វើឡើងបន្ទាប់ពីបុរសជាម្ចាស់ឆ្កែបានស្រែកទ្រហោយំយ៉ាងខ្លាំង បន្ទាប់ពីបានឃើញសត្វឆ្កែជាទីស្រឡាញ់របស់គាត់ត្រូវបានក្រុមកម្មករសំណង់មួយក្រុមមានគ្នីគ្នា៩នាក់ នៅក្នុងភូមិស្វាយធំ ឃុំគ្រាងអំពិល សង្កាត់កំពង់បាយ ខេត្តកំពត សម្លាប់និងកាប់ជាកង់ៗ ដើម្បីធ្វើម្ហូបក្លែមជាមួយស្រា។

រឿងរ៉ាវមួយនេះ បានធ្វើឲ្យផ្ទុះកក្រើកនៅលើបណ្តាញសង្គម និងមានការប្រតិកម្មរិះគន់យ៉ាងខ្លាំងទៅលើក្រុមកម្មករដែលចាប់សត្វឆ្កែ Husky ចំនួនបីក្បាលទាំងមេទាំងកូន។

ចំណែកប្រជាពលរដ្ឋនៅក្នុងភូមិស្វាយធំ ឃុំគ្រាងអំពិល សង្កាត់កំពង់បាយ ខេត្តកំពត និងអ្នកលេងបណ្តាញសង្គមបានសាទរចំពោះចំណាត់ការទីលើក្រុមជនសង្ស័យទាំង ៩នាក់ ដែលចាប់ឆ្កែរបស់ប្រជាពលរដ្ឋយកទៅសម្លាប់ធ្វើស៊ី៕

កែសម្រួលដោយ ៖ នាគព័ន្ធ

Related Topics:ស្នងការដ្ឋាននគរបាលខេត្តកំពត

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា