សន្តិសុខសង្គម
នគរបាលឃាត់ខ្លួនឪពុកដែលគំរាមសម្លាប់កូន ចំណែកកូនមានសុវត្ថិភាព
នៅរសៀលថ្ងៃទី២០ ខែមករា ឆ្នាំ២០២៤ កម្លាំងនាយកដ្ឋាននគរបាលព្រហ្មទណ្ឌ បានសហការជាមួយកម្លាំងស្នងការដ្ឋាននគរបាលខេត្តកំពត បានឃាត់ខ្លួនបុរសជាឪពុកដែលគំរាមសម្លាប់កូនបានហើយ និងបានប្រគល់ឲ្យទៅស្នងការដ្ឋាននគរបាលខេត្តកំពត ដើម្បីចាត់ការតាមនិតិវិធីបន្ត រីឯក្មេងរងគ្រោះមានសុវត្ថិភាពបានប្រគល់ជូនម្ដាយវិញ។
ការឃាត់ខ្លួននេះបានធ្វើឡើងបន្ទាប់ពីជនសង្ស័យរូបនេះបានថតវិដេអូ និងបង្ហោះចែកចាយនៅលើបណ្ដាញសង្គមថានឹងសម្លាប់កូនខ្លួនឯងដោយបញ្ហាគ្រួសារ។ បើតាមសមត្ថកិច្ចជនសង្ស័យជាឪពុកមានឈ្មោះ លឹម ពិទូ ភេទប្រុស អាយុ២៨ឆ្នាំ មានទីលំនៅភូមិព្រៃឈើទាល ឃុំប្រភ្នំ ស្រុកអង្គរជ័យ ខេត្តកំពត។ ចំណែកកូនប្រុសមានឈ្មោះ ឌិន សុរ៉ាសម្រិត ភេទប្រុស អាយុ៥ឆ្នាំ។
យោងតាមរបាយការណ៍របស់នាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ បានឲ្យដឹងងនៅរសៀលថ្ងៃទី២០មករានេះថា កាលថ្ងៃទី១៩ ខែមករា ឆ្នាំ២០២៤ វេលាម៉ោង១៥និង៣០ នាទី ជនសង្ស័យជាឪពុកបាននាំកូនជិះម៉ូតូទៅទិសខាងលិចដោយមិនដឹងទៅកន្លែងណា ហើយបានថតវិដេអូបង្ហោះតាមបណ្ដាញសង្គមដោយគំរាមថានឹងសម្លាប់កូន មូលហេតុ ជនសង្ស័យឈ្លោះជាមួយប្រពន្ធ។
បន្ទាប់ពីបានឃើញនូវឃ្លីបវិដេអូនេះ កម្លាំងនគរបាលជំនាញនៃនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ បានសហការណ៍ជាមួយកម្លាំងស្នងការដ្ឋាននគរបាលខេត្តកំពតចុះស្រាវជ្រាវរហូតឃាត់ខ្លួនជនសង្ស័យបានចំណុច ភូមិនរាយ៍ ឃុំនរាយ៍ ស្រុកឈូក ខេត្តកំពត និងបានប្រគល់ឲ្យទៅស្នងការដ្ឋាននគរបាលខេត្តកំពត ដើម្បីចាត់ការតាមនិតិវិធីបន្ត ចំណែកក្មេងរងគ្រោះមានសុវត្ថិភាពបានប្រគល់ជូនម្ដាយវិញ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ