តារាប្រុស-ស្រី ថៃ ៩ រូប កំពុងក្លាយជាបុគ្គលមានប្រជាប្រិយភាពខ្លាំងក្លា ក្នុងប្រទេសខ្លួន

នៅក្នុងវិស័យកម្សាន្តនៃសិល្បៈថៃ មិនខ្វះទេតារាប្រុសស្រីដែលមានរូបសម្រស់ មុខមានមន្តស្នេហ៍ ទាក់ទាញចិត្តអ្នកគាំទ្រឲ្យលង់ទៅតាមពួកគេ។

ជាក់ស្ដែង​កាល​ពីចុងខែមីនានេះ តារាថៃ ៩ រូប ត្រូវ​បាន​អ្នក​គាំទ្រ​ដាក់​ងារ​ជាបុគ្គល​មាន​ប្រជាប្រិយភាព​ខ្លាំងក្លា ​ក្នុង​ប្រទេស​របស់​ពួកគេ។ ខាង​ក្រោម​នេះ គឺ​ជា​តារា​ប្រុស​ស្រី​ដែល​មាន​ប្រជាប្រិយ​ភាព​បំផុត​​ ដោយ​មាន​ការ​វាស់​ស្ទង់​ពី​អ្នកគាំទ្រ​ប្រចាំ​ប្រទេស។

១ Bright Vachirawit

តួឯក​ប្រុសF4 របស់​ថៃ​រូប​នេះ ​បាន​ជាប់​ចំណាត់ថ្នាក់​លេខ ១ ជា​តារា​ល្បីល្បាញ​បន្ទាប់ពី​សម្ដែង​រឿង” Boys Over Flowers” រួច​ភ្លាម​ លោក​ក៏​ត្រូវ​បាន​អ្នកគាំទ្រ​ដាក់​ឈ្មោះ​ជា​តារា​មាន​ប្រជាប្រិយ​ខ្លាំង​ ក្នុង​រយៈពេល ២ សប្ដាហ៍​ជាប់ៗ​គ្នា​កាលពី​ចុងខែមីនា ឆ្នាំ២០០២ នេះ។

២ Mark Prin និង Baifern Pimchanok

ក្រោយ Mark Prin​​ សម្ដែង​ក្នុង​រឿង “My Husband in Law” សន្ទុះ​នៃ​ការ​គាំទ្រ​របស់​លោក​ ហាក់​ឡើង​ស្រឺតៗ​ជាលំដាប់​​​ រហូត​ធ្វើ​ឲ្យ​តារា​ប៉ុស្តិ៍​លេខ៣រូបនេះ ​​ជាប់​ចំណាត់​ថ្នាក់​លេខ ២ រួម​ជាមួយ​កំពូល​តារា​ឯក​ឯករាជ្យ Baifern Pimchanok ទៅ​ជាមួយ​ផង​ដែរ។

៣ New Thitipoom និង Tu Tontawan

តារា​សម្ដែង​ប្រុស​រូប​សង្ហា New Thitipoom ត្រូវបានអ្នកគាំទ្រដាក់​ក្នុង​បញ្ជី​ជាមួយ​ចំណាត់​ថ្នាក់​លេខ​៣ ​ក្នុង​សប្ដាហ៍​មុន។ គួរបញ្ជាក់ផងដែរថា តារាសម្ដែងស្រីវ័យក្មេង Tu Tontawan ក៏​ជាប់​ចំណាត់​ថ្នាក់​លេខ ៣ ដូចគ្នា។

៤ Mai Davika

តារា​ស្រី រាង​ស្លីម​រូប​នេះ នៅតែ​ស្ថិត​ក្នុង​បញ្ជី​នៃ​ចំណាត់ថ្នាក់​លេខ ៤ ថា​ជា​តារា​មាន​ប្រជាប្រិយ​ ទាក់ទាញ​ពី​សំណាក់​ស្រីៗ​គ្នា​ឯង​ ដោយសារ​តែ​រូប​សម្ផស្ស​របស់​នាង។

៥ Yaya Urassaya និងតារាផ្សេងទៀត

Yaya Urassaya, Alek Teeradetch, និង Toey Jarinporn ជាប់​ចំណាត់ថ្នាក់​លេខ ៥ រួមគ្នា​ពី​ការ​ដាក់​ចំណាត់ថ្នាក់​ពី​អ្នក​គាំទ្រ​ក្នុង​ប្រទេស៕

ប្រែសម្រួល៖ សាង ស្រីល័ក្ខ

ចុចអាន៖រឿងពិតមួយចំនួនពី Mark Prin តារាប្រុសជួរមុខក្នុងប្រទេស ថៃ

ចុចអាន៖រូបថតប៉ុន្មានសន្លឹករបស់ Aum Patcharapa ផ្ទុះការចាប់អារម្មណ៍ខ្លាំងជាងគេ ត្រង់ចង្កេះ