ព័ត៌មានអន្ដរជាតិ
ប្រទេសអាស៊ីមួយនេះផ្ដល់ប្រាក់កម្ចី ១០០ លានដុល្លារដល់ អ៊ុយក្រែន
ប្រទេសជប៉ុនបានចុះហត្ថលេខាលើកិច្ចព្រមព្រៀងកម្ចីប្រាក់ជាមួយរដ្ឋាភិបាលអ៊ុយក្រែនក្នុងទំហំទឹកប្រាក់ស្មើនឹង ១០០ លានដុល្លារកាលពីថ្ងៃចន្ទ ហើយវាក៏ជាផ្នែកមួយនៃកញ្ចប់ថវិកាប្រហែល ៣០០ លានដុល្លារសម្រាប់គាំទ្រដល់ប្រទេសដែលកំពុងប្រឈមនឹងវិបត្តិសេដ្ឋកិច្ចបណ្តាលមកពីសង្គ្រាមលុកលុយរបស់រុស្ស៊ី ។
ពិធីចុះហត្ថលេខានេះធ្វើឡើងតាមរយៈវីដេអូខល ដោយប្រធានទីភ្នាក់ងារសហប្រតិបត្តិការអន្តរជាតិជប៉ុនលោក Tanaka Akihiko បានចុះហត្ថលេខាលើឯកសារនេះនៅទីក្រុងតូក្យូ ខណៈដែលរដ្ឋមន្ត្រីក្រសួងហិរញ្ញវត្ថុអ៊ុយក្រែនលោក Sergii Marchenko បានបោះត្រានៅក្នុងទីក្រុងកៀវ ។
ទន្ទឹមនោះលោក Tanaka បានពណ៌នាការលុកលុយរបស់រុស្ស៊ី និងវិបត្តិមនុស្សធម៌នៅអ៊ុយក្រែនថាជាការគំរាមកំហែងដ៏ធំបំផុតចំពោះសណ្តាប់ធ្នាប់អន្តរជាតិក្នុងសតវត្សនេះ ។
ចំណែកលោក Marchenko ក៏បានសម្តែងការដឹងគុណចំពោះជំនួយរបស់ប្រទេសជប៉ុននេះផងដែរ ។ លោកបាននិយាយថា ប្រទេសជប៉ុនកំពុងជួយអ៊ុយក្រែនតាមមធ្យោបាយផ្សេងៗរួមទាំងជំនួយសេដ្ឋកិច្ច ចំពេលស្ថានភាពដ៏តានតឹងដែលអ៊ុយក្រែនកំពុងជួបប្រទះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ លោក Zelensky បណ្តេញមេបញ្ជាការបម្រុងអ៊ុយក្រែនដោយគ្មានមូលហេតុ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ