កីឡា
កីឡាការិនីវ៉ូវីណាមកម្ពុជា មិនពេញចិត្តការកាត់សេចក្ដីរបស់ចៅក្រម ធ្វើឱ្យខ្លួនបានត្រឹមមេដាយសំរឹទ្ធ
កីឡាការិនីវ៉ូវីណាមកម្ពុជា ពៅ សុខា ដែលប្រកួតក្នុងវិញ្ញាសាសម្ដែងការពារខ្លួន គូនារី គ្មានអាវុធ នៃព្រឹត្តិការណ៍ស៊ីហ្គេម លើកទី៣១ នៅវៀតណាម បានសម្ដែងការមិនពេញចិត្តចំពោះចៅក្រម ដែលបានកាត់សេចក្ដីឱ្យខ្លួន និងដៃគូបានត្រឹមមេដាយសំរឹទ្ធ។
ពៅ សុខា បានចាប់ដៃគូជាមួយកីឡាការិនី ប៉ាល់ ឆរស្ម៊ី ប្រកួតលើវិញ្ញាសា ដដែលខាងលើ ដោយត្រូវសម្ដែងប្រជែងជាមួយម្ចាស់ផ្ទះវៀតណាម, ថៃ, ឡាវ និងមីយ៉ាន់ម៉ា។ ជាលទ្ធផលកម្ពុជា បានត្រឹមចំណាត់ថ្នាក់លេខ៣ (មេដាយសំរឹទ្ធ) ក្រោយចៅក្រមសម្រេចឱ្យ ២៥៥ពិន្ទុ ខណៈមេដាយមាសបានទៅ មីយ៉ាន់ម៉ា ក្រោយទទួលបាន ២៦៩ ពិន្ទុ គ្រាដែលម្ចាស់ផ្ទះវៀតណាម បានមេដាយប្រាក់ ក្រោយធ្វើបាន ២៦៤ពិន្ទុ។ ឡាវ ឈរនៅលេខ ៤ រកបាន ២៥៣ និងថៃនៅបាតតារាង រកបាន ២៤៩ ពិន្ទុ។
អ្វីដែលធ្វើឱ្យកីឡាការិនី ពៅ សុខា មិនពេញចិត្តនោះ គឺបន្ទាប់កញ្ញាទទួលស្គាល់ថា ធ្វើពុំសូវបានល្អ ហើយឃើញថា ម្ចាស់ផ្ទះវៀតណាមធ្វើមិនសូវបានល្អជាងខ្លួនទោទៀត ប៉ុន្តែបែរជារកពិន្ទុបានច្រើនជាងខ្លួនទៅវិញដែលនាំឱ្យខកខានការឈ្នះមេដាយប្រាក់។ នេះមិនមែនជារឿងថ្មី ប៉ុន្តែសូម្បីតែកីឡាផ្សេងៗទៀតក៏ជួបរឿងអយុត្តិធម៌ដូចគ្នាច្រើនផងដែរ។
យ៉ាងណាមិញ កីឡាការិនី ពៅ សុខា ក៏នៅសល់វិញ្ញាសាប្រកួត ២ ទៀតផងដែរ គឺវិញ្ញាសាគុនដាវនារីជាគូ និងវិញ្ញាសាដាវឯកត្តជន មួយទៀតផងដែរ។ សូមបញ្ជាក់ថា កីឡាវ៉ូវីណាម គឺជាកីឡាប្រពៃណីរបស់វៀតណាម ហើយបានដាក់ប្រកួតក្នុងស៊ីហ្គេម លើកដំបូងកាលពីឆ្នាំ ២០១១ ប៉ុន្តែខកខានមានវិញ្ញាសានេះវិញនៅឆ្នាំ ២០១៥, ២០១៧ និង ២០១៩ មុនម្ចាស់ផ្ទះនាំយកមកប្រកួតវិញនៅឆ្នាំនេះ៕
អត្ថបទ៖ មន្នីរ័ត្ន
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ