ជីវិតកម្សាន្ដ

មិនស្មានថា Jennie សមាជិក Blackpink ជាមនុស្សសន្សំសំចៃដល់ម្ល៉ឹងសោះ

បានផុស

៤ years មុន

នៅ

ថ្ងៃព្រហស្បតិ៍ ៩ មិថុនា ២០២២

ដោយ

Sonya

Jennie សមាជិកក្រុម Blackpink ជាស្ត្រីអ្នកមានទ្រព្យស្ដុកស្ដម្ភម្នាក់ ក្នុងចំណោមកំពូលអ្នកមានៗ នៅក្នុងប្រទេសកូរ៉េខាងត្បូង។ យ៉ាងណាមិញ នាងបានធ្វើឲ្យអ្នកគាំទ្រនិយាយមិនចេញជាច្រើនដង ដោយសារតែការចាយវាយប្រចាំថ្ងៃរបស់នាង ពិតជាសន្សំសំចៃ មិនធ្លាប់មានអ្នកស្មានដល់ទាល់តែសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ញ៉ាំប៊ឺ និងផឹកទឹកដោះគោដែលផុតកំណត់

ក្នុងខែកុម្ភៈ ឆ្នាំ២០២១ Jennie បានបង្ហោះរូបភាពនំប៉័ង និងប៊ឺលើបណ្ដាញសង្គមផ្ទាល់ខ្លួន ហើយអ្នកគាំទ្របានរកឃើញកាលបរិច្ឆេទផុតកំណត់របស់បឺរគឺថ្ងៃទី៣០ ខែតុលា ឆ្នាំ២០២០ ដែលមានន័យថា វាផុតកំណត់រយៈពេល ៣ខែទៅហើយ។ ហើយនេះក៏មិនមែនជាលើកទីមួយដែល Jennie ញ៉ាំអាហារដែលហួសកំណត់ដែរ ព្រោះកន្លងមកគេធ្លាប់ឃើញនាងប្រើទឹកដោះគោអស់សុពលភាព។

ស្លៀកខោជជុះ

នៅក្នុងស្ទូឌីយោ Rosé បានរកឃើញខោរបស់នាងដូចគ្នាបេះបិទទៅនឹងខោរបស់ Jennie ខណៈ Rosé បានចំណាយប្រាក់ ១ពាន់ដុល្លារសម្រាប់ទិញខោរបស់នាង តែ Jennie ទិញវាក្នុងតម្លៃត្រឹមតែ ១៥ដុល្លារប៉ុណ្ណោះ។ Rosé មានការភ្ញាក់ផ្អើលជាខ្លាំង និងឆ្ងល់ថា ហេតុអ្វីបានជា Jennie អាចទិញខោក្នុងតម្លៃថោកបែបនេះ ខណៈហ្វេនសង្ស័យ Jennie ប្រើខោជជុះ។

នាងចេះសន្សំតាំងពីតូច ទោះបីកើតក្នុងគ្រួសារធូរធារ

កាលនាងនៅក្មេង ម្តាយរបស់នាងឱ្យនាងចាយលុយតែ ៥ដុល្លារប៉ុណ្ណោះ ក្នុងមួយសប្តាហ៍ ហើយជាទូទៅ Jennie ចាយវាសម្រាប់ទិញភេសជ្ជៈ។ ពេលមួយនោះនាងបានទិញសូដា១កំប៉ុង រួចប្រញាប់រត់ចូលថ្នាក់រៀន តែចៃដន្យវាធ្លាក់ពីដៃ។ ដោយសារស្តាយលុយ ដែលត្រូវទិញកំប៉ុងថ្មី នាងចង់រើសកំប៉ុងនោះមកប្រើវិញ តែអកុសលនាងត្រូវដួលគ្រិចដៃ។ តាមទម្លាប់នេះ គេសុទ្ធតែដឹងថា Jennie ចាយវាយសន្សំសំចៃណាស់ តាំងពីនាងនៅក្មេង។

ដោយឡែក នៅក្នុងកម្មវិធី 24/365 Jennie ធ្លាប់និយាយថា ពេលក្រុម BLACKPINK ជាប់រវល់ចូលរួមជាសិក្ខាកាមម្ដងៗ នាងទៅហាងតែមួយដងប៉ុណ្ណោះ ក្នុងមួយខែ ហើយជាធម្មតានាងទិញតែពងមាន់ និងផ្លែស្ត្របឺរីដើម្បីទុកញ៉ាំ។

ពូកែសុំបញ្ចុះតម្លៃពេលទិញទំនិញ

នៅក្នុងកម្មវិធី BLACKPINK House សមាជិកទាំងអស់ត្រូវទៅទិញពូកតម្លៃ ៧០០ដុល្លារ ហើយ Jennie គឺជាមនុស្សដំបូងដែលសុំអ្នកលក់បញ្ចុះតម្លៃ។ មិនប៉ុណ្ណោះដើម្បីឱ្យអ្នកលក់ព្រមចុះថ្លៃ នាងឱ្យ Lisa រាំជាថ្នូរ ហើយជាលទ្ធផលអ្នកលក់ពិតជាព្រមបញ្ចុះតម្លៃ ថែមទាំងហ្វ្រីរបស់ផ្សេងឱ្យទៀតផង។

អ្នកគាំទ្របានដឹងដឹងរឿងទាំងនេះហើយ សុទ្ធតែនិយាយមិនចេញ ប៉ុន្តែពួកគេសរសើរក្រុមតារាស្រី BLACKPINK ថាពិតជាគួរឱ្យស្រឡាញ់ដែលពួកនាងហ៊ានបង្ហាញជីវិតប្រចាំថ្ងៃដោយស្មោះត្រង់៕

ប្រែសម្រួល៖ សន្យា

ចុចអាន៖ Jennie សមាជិក Blackpink រកចំណូលពីការថតស្ប៉តស៊ីដាច់គេ ក្នុងវិស័យ K-Pop

ចុចអាន៖ ឆ្នាំ២០២២ Jennie សមាជិកក្រុម BLACKPINK ចង់ផ្ដោតលើរឿងនេះ

Related Topics:Jennie តារាកូរ៉េ BLACKPINK

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា