Jennie សមាជិក​ Blackpink រកចំណូលពីការថតស្ប៉តស៊ីដាច់​គេ ក្នុង​វិស័យ K-Pop

យោងតាមការចុះផ្សាយដោយសារព័ត៌មាន kpopstarz បាន​បង្ហាញពីលទ្ធផល​តារា​កូរ៉េ ដែល​មាន​សមត្ថភាព​រក​ចំណូល​បាន​ច្រើនពីការថត​ស្ប៉តពាណិជ្ជកម្មនានា ខណៈតារាចម្រៀងស្រីគឺបានទៅលើ Jennie សមាជិកក្រុម Blackpink។

ប្រភពដដែលបានឱ្យដឹងថា ​​ក្នុងតារាងតារាចម្រៀងរក​ចំណូល​បាន​ច្រើនជាងគេពីការងារថតស្ប៉តពាណិជ្ជកម្មគឺ BTS ទី២គឺតារាចម្រៀងស្រី Jennie និងទី៣គឺតារាចម្រៀងប្រុស Young Woong Lim។

ប្រភពបន្ថែមថា ក្រុម BTS រក​ចំណូលបានខ្ពស់បំផុតពីការថតស្ប៉តប្រមាណ ៦៥ពាន់លានវ៉ុន ( ៥៤,៥លានដុល្លារ) ដោយមិនរាប់បញ្ចូលពីអចលនទ្រព្យរបស់សមាជិកម្នាក់ៗ និង​ចំណូលពីវិស័យ​បទចម្រៀងទេ។

ចំណែកឯ Jennie រក​ចំណូលបាន ៦០០លានវ៉ុន (ជាង ៥០ម៉ឺនដុល្លារ) ត្រឹមតែមួយស្ប៉តប៉ុណ្ណោះ ខណៈតារាស្រីរូបនេះ បង្ហាញមុខតំណាងប្រេនធំៗរបស់អន្តរជាតិជាច្រើនរួមមាន Chanel, Calvin Klein, Marie Claire, Cosmopolitan និងទស្សនាវដ្ដី Vogue ជាដើម។ បច្ចុប្បន្ននាងមានទ្រព្យសម្បត្តិប្រមាណជា ១០លានដុល្លារអាមេរិក៕

ប្រែសម្រួល៖ សន្យា

ចុចអាន៖ ការពិតទាំង ៩ របស់ក្រុមចម្រៀង BLACKPINK ដែលហ្វេនៗមិនទាន់បានដឹង

ចុចអាន៖ ទម្លាយទ្រព្យសម្បត្តិសុទ្ធរបស់សមាជិក Blackpink កម្រមានអ្នកដឹង