នៅកម្ពុជា មនុស្សចាស់មានវ័យជាង១០០ឆ្នាំ មានដល់ទៅជិត១៥០នាក់

ពីមុន គេធ្លាប់តែបានដឹងពីមនុស្សចាស់អាយុច្រើនខ្ទង់រយ មាននៅតាមបណ្តាប្រទេសផ្សេងៗនៅលើពិភពលោក។ ប៉ុន្តែ នៅក្នុងប្រទេសកម្ពុជា ក៏មានមនុស្សវ័យចាស់មានអាយុលើសពី១០០ឆ្នាំមានចំនួនប្រមាណ១៤៩នាក់។ នេះបើតាមការកត់ត្រាតាមរយៈយុទ្ធនាការចាក់វ៉ាក់សាំងបង្ការជំងឺកូវីដ១៩នៅក្នុងសៀវភៅ«ធ្វើដំណើរជាង២៥,០០០គីឡូម៉ែត្រ»របស់លោកស្រី ឱ វណ្ណឌីន អ្នកនាំពាក្យក្រសួងសុខាភិបាលកម្ពុជា។

សៀវភៅដដែលនេះ បានកត់ត្រាពីមនុស្សចាស់ដែលមានអាយុចន្លោះចាប់ពី១០០ឆ្នាំទៅ១១៤ឆ្នាំ ដែលទាំងបុរស និងស្រ្តី។ បើតាមសៀវភៅ«ធ្វើដំណើរជាង២៥,០០០គីឡូម៉ែត្រ» មនុស្សដែលមានវ័យដ៏ច្រើនទាំងនេះ មាននៅខេត្តកំពត ខេត្តបន្ទាយមានជ័យ ខេត្តបាត់ដំបង ខេត្តកំពង់ឆ្នាំង ខេត្តមណ្ឌលគិរី ខេត្តត្បូងឃ្មុំ ខេត្តព្រៃវែង ខេត្តកំពង់ធំ កំពង់ចាម តាកែវ ព្រះវិហារ សៀមរាប រតនគិរី កោះកុង ស្វាយរៀង ពោរធិ៍សាត់ ឧត្តរមានជ័យ​ បៃលិន កំពង់ស្ពឺ  ព្រៃវែង ស្ទឹងត្រែង ក្រចេះ កណ្តាល និងនៅរាជធានីភ្នំពេញ៕

ដោយ៖​ វណ្ណ សុគន្ធា