សញ្ញា​រាង​កាយ​ទាំង ៨ ​បង្ហាញ​ថា ​អ្នក​ចាប់​ផ្ដើម​ឈាន​ដល់​វ័យចាស់ហើយ

ឃ្លាមួយដែលថា អាយុគ្រាន់តែជាតួលេខ ប្រហែលជាពាក្យមួយដែលយើងឮច្រើន។ ជាពិសេសសម្រាប់អ្នកដែលថែរក្សាសុខភាពបានល្អ។ ជាមួយនឹងភាពជឿនលឿននៃបច្ចេកវិទ្យាវេជ្ជសាស្រ្តនាពេលបច្ចុប្បន្ននេះ អនុញ្ញាតឲ្យយើងបន្ថយភាពចាស់។ ធ្វើអោយយើងមើលទៅក្មេងជាងវ័យ។

ទោះបីជាភាពចាស់គឺចៀសមិនរួច ប៉ុន្តែ​យើង​អាច​រៀបចំ​រាងកាយ​របស់​យើង​ឲ្យ​មាន​អាយុ​យ៉ាង​ល្អ​។ ដោយការកត់សម្គាល់ពីសញ្ញាដំបូងនៃភាពចាស់ និងដោះស្រាយបញ្ហាទាំងនោះឲ្យបានទាន់ពេលវេលា ហើយខាងក្រោមនេះជាសញ្ញារាងកាយចំនួន ៨​ ដែលប្រាប់អ្នកថាអ្នកកំពុងចាប់ផ្តើមក្លាយជាមនុស្សចាស់។

១. អស់កម្លាំងរ៉ាំរ៉ៃ៖ មានអារម្មណ៍អស់កម្លាំងគ្រប់ពេលវេលា។ សូម្បីតែបន្ទាប់ពីសម្រាកបានគ្រប់គ្រាន់យ៉ាងណាក្ដី។

២. ខ្វះការសម្រាកឲ្យស្រស់ស្រាយ៖ មិនមានអារម្មណ៍ស្វាហាប់ បន្ទាប់ពីគេងលក់យ៉ាងស្កប់ស្កល់ពេញមួយយប់ក៏ដោយ។

៣. បញ្ហាគ្រប់គ្រងទម្ងន់៖ ពិបាកក្នុងការរក្សាទម្ងន់សមស្រប។

៤. បញ្ហានៃការចងចាំ៖ សំដៅទៅលើរោគសញ្ញាដែលទាក់ទងនឹងការចងចាំ ដូចជាភ្លេចញឹកញាប់ ភ្លេចរឿង ឬភ្លេចការណាត់ជួបជាដើម។

៥. ការឈឺខ្លួនញឹកញាប់៖ សំដៅទៅលើការឈឺចាប់ ឬភាពមិនស្រួលដែលកើតឡើងម្តងហើយម្តងទៀត ឬទៀងទាត់នៅក្នុងសាច់ដុំ និងសន្លាក់ទូទាំងរាងកាយ។

៦. បង្កើនភាពតានតឹង និងការថប់បារម្ភ៖ សំដៅទៅលើស្ថានភាពនៃអារម្មណ៍ព្រួយបារម្ភ ភ័យ ឬតានតឹងជាងធម្មតា។

៧. ប្រព័ន្ធការពាររាងកាយខ្សោយ មានន័យថា ប្រព័ន្ធការពាររបស់រាងកាយមិនដំណើរការពេញលេញទេ។ នេះធ្វើឲ្យរាងកាយកាន់តែលំបាកក្នុងការប្រយុទ្ធប្រឆាំងនឹងមេរោគផ្សេងៗ ដែលជាលទ្ធផលងាយនឹងកើតជំងឺ។

៨. សុខភាពផ្លូវភេទកាន់តែយ៉ាប់យ៉ឺន ការផ្លាស់ប្តូរផ្លូវកាយ ឬផ្លូវចិត្តដែលប៉ះពាល់ដល់ចំណង់ផ្លូវភេទ សមត្ថភាពក្នុងការរួមភេទ ឬការពេញចិត្តនឹងការរួមភេទ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ចំណុច​៣​លើ​រាងកាយ​ បើគ្មានពណ៌​ខ្មៅ  ​នោះតម្រងនោម​​មាន​សុខភាពទេ​