សេដ្ឋកិច្ច
អ្នកស្រាវជ្រាវ ប្រាប់ពីមូលហេតុដែលនាំឱ្យមាសឡើងថ្លៃ
អ្នកស្រាវជ្រាវផ្នែកហិរញ្ញវត្ថុ និងចរន្តទីផ្សារមាស បានឱ្យដឹងថា ចាប់ពីពេលនេះតទៅ មាសនឹងបន្តឡើងថ្លៃវិញបន្តិចម្តងៗ ដោយសារការវិនិយោគ និងប្រាក់កម្ចីមួយចំនួនពាក់ព័ន្ធសេដ្ឋកិច្ច នៅសហរដ្ឋអាមេរិក។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន Golden FX Link Capital បានប្រាប់កម្ពុជាថ្មីថា តម្លៃមាសបានងើបឡើងវិញ ចាប់ពីចុងខែកក្កដាមក រហូតដល់ថ្ងៃនេះ ដោយតម្លៃមួយអោនស្មើ ១៧៧៤ដុល្លារ និងមួយតម្លឹងនៅកម្ពុជា តម្លៃ ២១២៥ដុល្លារ។

លោកបន្តដូច្នេះថា«កាលពីមួយរយៈមុន មាសធ្លាក់ចុះនៅតម្លៃ ២០០០ដុល្លារ ទៅ ២០២៤ដុល្លារ ដោយការធ្លាក់ចុះនេះ កាលណោះអត្រាការប្រាក់នៅ ១.៧៥ ធ្វើឱ្យលុយដុល្លារខ្លាំងល្អ ហើយការដំឡើងអត្រាការប្រាក់នេះ វាមិនសូវប៉ះពាល់ទៅដល់កម្ចីផ្សេងៗទេ។ ហើយនៅចុងខែកក្កដា មានការដំឡើងការប្រាក់រហូតដល់ ២.៥០»។
ចំពោះការដំឡើងអត្រាការប្រាក់នេះ លោក សំណាង មើលឃើញថា ធ្វើឱ្យមានបញ្ហាជាច្រើនដូចជា ការធ្លាក់ចុះអ្នកវិនិយោគធំៗ នៅសហរដ្ឋអាមេរិក និងធ្វើសេដ្ឋកិច្ចអាមេរិកធ្លាក់ចុះ ដោយសារអត្រាការប្រាក់ខ្ពស់នេះ។
បញ្ហាទាំងអស់នេះហើយ ដែលធ្វើឱ្យសេដ្ឋកិច្ច និងលំហូរសាច់ប្រាក់អាមេរិករាំងស្ទះ និងបញ្ហាប្រឈមមួយចំនួនរបស់អ្នកវិនិយោគធំៗ ដែលធ្វើឱ្យសេដ្ឋកិច្ចមិនអាចងើបឡើងវិញបានទេ ឬងើបអាចងើបឡើងក្នុងរយៈពេលវែង។
បច្ចុប្បន្ននេះ អតិផរណា នៅសហរដ្ឋអាមេរិកមានចំនួន ៩.១ភាគរយ ដែលជាកំណើនខ្ពស់ ធ្វើឱ្យពលរដ្ឋចំណាយច្រើន។ ទាក់ទិននឹងបញ្ហាទាំងអស់នេះ លោក ឡុង សំណាង វាយតម្លៃថា ប្រសិនបើមិនមានការអន្តរាគមន៍ណាមួយពីធនាគារកណ្តាលអាមេរិក តម្លៃមាសនឹងបន្តកើនឡើងបន្តិចម្តងៗ រហូតដល់ ២២០០ដុល្លារ ក្នុងមួយតម្លឹងជាថ្មីម្តងទៀត។
ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន Golden FX Link Capital បានបញ្ជាក់ថា នៅក្នុងប្រទេសកម្ពុជា មានហាងមាសមួយចំនួន លក់រហូតដល់ទៅ ២២០០ដុល្លារ ក្នុងមួយតម្លឹងហើយ តែតម្លៃគោលនៅលើទីផ្សារអន្តរជាតិ លក់ត្រឹម ២១២៥ ដុល្លារនៅឡើយទេ៕


-
ព័ត៌មានអន្ដរជាតិ៦ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៤ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៤ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
បច្ចេកវិទ្យា២ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ