ព័ត៌មានអន្ដរជាតិ

និយតករឱសថឥណ្ឌាប្រកាសថា ការចាក់វ៉ាក់សាំងកូវីដមានសុវត្ថិភាព ១១០ ភាគរយ

បានផុស

៥ years មុន

នៅ

ថ្ងៃចន្ទ ៤ មករា ២០២១

ដោយ

ប្រទេសឥណ្ឌាកំពុងតែប្រយុទ្ធប្រឆាំងនឹងការលុបបំបាត់នូវពាក្យចចាមអារ៉ាមដែលថាវ៉ាក់សាំងការពារជំងឺកូវីដ ១៩ ចំនួនពីរដែលទើបត្រូវបានអនុម័តអាចបណ្តាលឲ្យងាប់លិង្គ ប៉ុន្តែនិយតករឱសថរបស់ប្រទេសនេះបានទទូចថា ការចាក់វ៉ាក់សាំងនេះមានសុវត្ថិភាពច្រើនជាង ១០០ ភាគរយ ។

កាលពីថ្ងៃអាទិត្យប្រទេសឥណ្ឌាបានផ្តល់ភ្លើងខៀវជាផ្លូវការដល់វ៉ាក់សាំង Covishield ដែលជាថ្នាំបង្កើតឡើងដោយវិទ្យាស្ថាន Serum ដែលមានមូលដ្ឋាននៅទីក្រុង Pune ផ្អែកលើវ៉ាក់សាំង AstraZeneca/Oxford ក៏ដូចជាវ៉ាក់សាំង Covaxin ដែលត្រូវបានបង្កើតឡើងដោយក្រុមហ៊ុនឱសថឥណ្ឌា Bharat Biotech ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំងក្រុមហ៊ុន AstraZeneca បានទទួលការយល់ព្រមជាបន្ទាន់ បើទោះបីជាវ៉ាក់សាំង Covishield បង្ហាញប្រសិទ្ធភាពយ៉ាងតិច ៦២ ភាគរយដែលជាកម្រិតមួយទាបជាងក្រុមហ៊ុនផលិតវ៉ាក់សាំងផ្សេងទៀតដែលមានការប្រកួតប្រជែង ហើយមានការព្រួយបារម្ភជាច្រើនដែលត្រូវបានលើកឡើងអំពីវ៉ាក់សាំង Covaxin ។

ទន្ទឹមនោះសមាជិកសភាឥណ្ឌាលោក Shashi Tharoor បានអះអាងថា ការចាក់នេះមិនត្រូវបានគេធ្វើតេស្តត្រឹមត្រូវនោះទេ ហើយបានលើកឡើងថា ការអនុម័តរបស់វាគឺមិនទាន់គ្រប់ពេលវេលាឡើយ ។

ចំណែកមន្ត្រីសុខាភិបាលជាន់ខ្ពស់បានប្រាប់ប្រព័ន្ធផ្សព្វផ្សាយឥណ្ឌាថា ទីភ្នាក់ងាររបស់លោកនឹងមិនអនុម័តវ៉ាក់សាំងអ្វីទាំងអស់ប្រសិនបើមានការព្រួយបារម្ភអំពីសុវត្ថិភាពតិចតួចបំផុតរបស់វា ។ គាត់បាននិយាយថា ទោះបីជាផលប៉ះពាល់ស្រាលជារឿងធម្មតានៅក្នុងថ្នាំបង្ការទាំងអស់ក៏ដោយក៏ការចាក់ថ្នាំបង្ការរោគមានសុវត្ថិភាព ១១០ ភាគរយ ។

សេវាកម្មព័ត៌មានឥណ្ឌា ANI បានដកស្រង់សម្ដីរបស់គាត់ថា ការចាក់វ៉ាក់សាំងជាទូទៅមានសុវត្ថិភាពច្រើនជាង ១០០ ភាគរយ ខណៈដែលទូរទស្សន៍ NDTV បាននិយាយថាគាត់កំពុងសំដៅជាពិសេសទៅលើវ៉ាក់សាំងដែលត្រូវបានអនុម័តថ្មីក្នុងប្រទេសរបស់ខ្លួន ៕