គណបក្សភឿថៃ បង្ហាញបេក្ខជនតំណាងរាស្ត្រថ្មីសម្រាប់ការបោះឆ្នោតសមាជិកសភាអាណត្តិក្រោយ

ថ្ងៃទី២ ខែធ្នូនេះ នៅទីស្នាក់ការគណបក្សភឿថៃ លោកបណ្ឌិត ឈូឡាណាន់ ស៊ីកែវ ប្រធានគណបក្សភឿថៃ និងសមាជិកសមាជិការជាន់ខ្ពស់គណបក្សបានចូលរួមក្នុងសន្និសីទសារព័ត៌មានដើម្បីបង្ហាញខ្លួនអ្នកតំណាងរាស្ត្រថ្មីរបស់គណបក្សភឿថៃបន្ថែមចំនួន ៥៧រូប សម្រាប់ឈរឈ្មោះបោះឆ្នោតតំណាងរាស្ត្រអាណត្តិក្រោយនៅតំបន់ភាគកណ្តាល និងភាគខាងជើង។

លោកបណ្ឌិត ឈូឡាណាន់ បានថ្លែងថា គណបក្សភឿថៃពិតជាមានមោទនភាពក្នុងការប្រកាសពីការចាប់ផ្តើមចុះឈ្មោះតំណាងរាស្ត្រឈរឈ្មោះបោះឆ្នោត សមាជិកបក្សភឿថៃនៅភាគកណ្តាល និងភាគខាងជើង ដើម្បីបង្ហាញពីចេតនា និងការប្តេជ្ញាចិត្តរបស់គណបក្សភឿថៃដើម្បីឱ្យប្រជាពលរដ្ឋមានទំនុកចិត្តនិងទទួលការគាំទ្រពីបងប្អូនប្រជាពលរដ្ឋ ដើម្បីឈានដល់គោលដៅយុទ្ធសាស្ត្ររបស់គណបក្សភឿថៃ គឺឈ្នះការបោះឆ្នោតនាពេលខាងមុខ។

ទន្ទឹមគ្នានេះ លោកបណ្ឌិត ឈូឡាណាន់ បានអះអាងថា បន្ទាប់ពីនេះទៅគណបក្សភឿថៃនឹងពន្លឿនការរៀបចំបញ្ជីឈ្មោះបេក្ខជនឈរឈ្មោះតំណាងរាស្ត្រគណបក្សសម្រាប់មណ្ឌលតំបន់នីមួយៗឱ្យចប់រួចរាល់នៅចុងឆ្នាំ២០២២នេះ៕

ប្រែសម្រួល៖ គង់ សំអាន

ប្រភព៖ naewna

ចុចអាន៖ យោធា មីយ៉ាន់ម៉ា ព្រមព្រៀងបទឈប់បាញ់ជាមួយក្រុមប្រដាប់អាវុធ