កីឡា
ក្រុមកម្ពុជាចាញ់ម្ចាស់ផ្ទះឥណ្ឌូនេស៊ី តែមិនទាន់អស់ឱកាសឡើងផ្តាច់ព្រ័ត្រ
ក្រុមកីឡាអេឡិចត្រូនិកជម្រើសជាតិកម្ពុជា Impunity បានចាញ់ម្ចាស់ផ្ទះឥណ្ឌូនេស៊ី ដោយលទ្ធផល ១-២ ក្នុងវគ្គពាក់កណ្តាលផ្តាច់ព្រ័ត្រ នៃព្រឹត្តិការណ៍ប្រកួតកីឡាអេឡិចត្រូនិកជើងឯកពិភពលោក World Esports Championship 2022 រៀបចំដោយសហព័ន្ធកីឡាអេឡិចត្រូនិកអន្តរជាតិ (IESF) នៅកោះបាលី ចាប់ពីថ្ងៃទី៣ ដល់ទី១១ ខែធ្នូ ឆ្នាំ២០២២។
សម្រាប់ការប្រកួតវគ្គពាក់កណ្តាលផ្តាច់ព្រ័ត្រនេះ នៅហ្គេមទី១ ម្ចាស់ផ្ទះឥណ្ឌនេស៊ី រកបានពិន្ទុនាំមុខ ប៉ុន្តែក្រុម Impunity កម្ពុជាបានវាយបករហូតទទួលបានជ័យជម្នះ។ សម្រាប់ហ្គេមទី២ ក្រុមកម្ពុជាធ្វើមិនបានល្អទេដោយគ្រាន់តែចាប់ផ្តើមភ្លាមក្រុមឥណ្ឌូនេស៊ីវាយសម្រុក និងបិទជិតដោយប្រើពេលត្រឹមតែប្រមាណ៩នាទីប៉ុណ្ណោះដើម្បីយកឈ្នះក្រុមកម្ពុជាបានយ៉ាងលឿន។ ចំណែកហ្គេមទី៣ពិតជាស្វិតស្វាញខ្លាំងមែនទែនដោយនាំមុខគ្នាទៅវិញទៅមក ប៉ុន្តែទីបំផុតក្រុមឥណ្ឌូនេស៊ីជាអ្នកទទួលបានជ័យជម្នះដោយប្រើពេលរហូតដល់២២នាទី។
ចប់ការប្រកួតកម្ពុជាចាញ់ម្ចាស់ផ្ទះឥណ្ឌូនេស៊ី ២-១ ប៉ុន្តែមិនទាន់អស់ឱកាសទៅវគ្គផ្តាច់ព្រ័ត្រដែលត្រូវដណ្តើមមេដាយមាស និងប្រាក់រង្វាន់៥ម៉ឺនដុល្លារទេ។ ដូច្នេះឥណ្ឌូនេស៊ី ឡើងវគ្គផ្តាច់ព្រ័ត្រ ខណៈក្រុមកម្ពុជាធ្លាក់ចូលតំបន់ Lower Bracket Final ដែលត្រូវប្រកួតវគ្គពាក់កណ្តាលផ្តាច់ព្រ័ត្រសាជាថ្មីជាមួយក្រុម ម៉ាឡេស៊ី ឬ ហ្វីលីពីន។
កាលវគ្គជម្រុះ ក្រុមកម្ពុជាបានយកឈ្នះក្រុមណាមីប៊ី ដោយលទ្ធផល ២-០ និងបន្តឈ្នះក្រុមម៉ាឡេស៊ី ដោយលទ្ធផល ២-១។
សម្រាប់ព្រឹត្តិការណ៍ជើងឯកពិភពលោកមានក្រុមជម្រើសជាតិមកពីតំបន់ទ្វីបអាស៊ី អាហ្វ្រិក អាមេរិក និងអឺរ៉ុប។ យ៉ាងណាមិនមានក្រុមច្រើនចូលរួមប្រកួតឡើយ គឺមានតែ៨ក្រុមប៉ុណ្ណោះចូលរួមប្រកួត។
ចំពោះប្រាក់រង្វាន់សរុបចំនួន១សែនដុល្លារអាមេរិកដែលត្រូវបានបែងចែកទៅតាមចំណាត់ថ្នាក់ដូចខាងក្រោម៖
- ជើងឯក៖ ៥ម៉ឺនដុល្លារ
- លេខ២៖ ៣ម៉ឺនដុល្លារ
- លេខ៣៖ ២ម៉ឺនដុល្លាត
- ក្រុមចាប់ពីចំណាត់ថ្នាក់លេខ៤ដល់លេខ៨ក៏ទទួលបានប្រាក់រង្វាន់លើកទឹកចិត្តដែរ។
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម