ក្មេងស្រីអាយុ ១១ឆ្នាំឆ្លៀតពេលថ្ងៃឈប់សម្រាកការសិក្សាមកជួយលក់ឪពុក

ក្មេងស្រីវ័យ ១១ ឆ្នាំម្នាក់ ជាសិស្សថ្នាក់ទី ៥ បឋមសិក្សាច្បារអំពៅឆ្លៀតពេលសម្រាកពីការសិក្សាមកជួយលក់ឪពុកដើម្បីជួយទ្រទ្រង់ជីវភាពក្នុងគ្រួសារ។

ជួបជាមួយភ្នាក់ងារយកព័ត៌មានកម្ពុជាថ្មីក្មួយស្រីឈ្មោះ លី តា អាយុ១១ឆ្នាំ ជាកូនពៅក្នុងគ្រួសារមួយដែលមានបងប្អូន៤នាក់រស់នៅភូមិព្រែក សង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ។

ក្មួយស្រីបានឲ្យដឹងថារាល់ថ្ងៃឈប់សម្រាកនៃការសិក្សាក្មួយស្រីតែងមកជួយលក់(អេតចាយ)ជាមួយឪពុកដែលមានទីតាំងស្ថិតនៅមុខផ្សារច្បារអំពៅខណះដែលឪពុកដើររកទិញឥវ៉ាន់មកដាក់លក់។

ក្មួយ លី តា បានបញ្ជាក់ថាក្មួយមិនតូចចិត្តទេនៅពេលក្មួយកើតឡើងក្នុងត្រកូលអ្នកក្រតែផ្ទុយទៅវិញក្មួយថែមទាំងស្រឡាញ់គ្រួសាររបស់ក្មួយខ្លាំងណាស់។ ដូច្នេះហើយទើបក្មួយយកថ្ងៃឈប់សម្រាកសិក្សាមកជួយលក់ឪពុកក្នុងមុខរបរតូចតាចបំផុតប៉ុន្តែបានប្រាក់កម្រៃគួរសមនិងរស់នៅបានយ៉ាងសុខស្រួល៕

អត្ថបទ៖ នរា