ព័ត៌មានអន្ដរជាតិ

ខេត្តមួយចំនួនរបស់ ជប៉ុន កំពុងដាច់ភ្លើង និងលុបជើងហោះហើរ ក្រោយព្រិលធ្លាក់ខ្លាំង

បានផុស

២ years មុន

នៅ

ថ្ងៃសៅរ៍ ២៤ ធ្នូ ២០២២

ដោយ

បណ្តាញថាមពលអគ្គិសនីទីក្រុង Tohoku និយាយថា គ្រួសារប្រហែល ៦,៨០០ នៅខេត្ត Niigata លើសមុទ្រជប៉ុន លែងមានថាមពលអគ្គិសនីប្រើប្រាស់ហើយ គិតត្រឹមម៉ោង ៦ ព្រឹកថ្ងៃសៅរ៍ ដោយសារខ្យល់បក់ខ្លាំង និងដើមឈើដួលរលំដែលបណ្តាលមកពីការធ្លាក់ព្រិលខ្លាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ ក៏មានអ្នករងគ្រោះមានប្រហែល ៣,៦០០ គ្រួសារផងដែរនៅទីក្រុង Murakami និង ២,៣០០ គ្រួសារនៅទីក្រុង Sado ។

ទន្ទឹមនឹងនេះ ក្រុមហ៊ុនថាមពលអគ្គិសនីនៃខេត្តហុកកៃដូភាគខាងជើងបំផុតរបស់ប្រទេសជប៉ុនបាននិយាយថា គ្រួសារជាង ៧,៦០០ នាក់កំពុងគ្មានអគ្គិសនីប្រើប្រាស់គិតត្រឹមម៉ោង ១០ ព្រឹក ។

ស្របពេលជាមួយគ្នានេះ ព្រិល និងខ្យល់បក់ខ្លាំងក៏បានរំខានដល់ចរាចរណ៍ផ្លូវអាកាសផងដែរ ដោយគិតត្រឹមម៉ោង ៦ ព្រឹក ក្រុមហ៊ុន Japan Airlines បានលុបចោលជើងហោះហើរចំនួន ១៤ ជើង ទាំងទៅ និងមកពីខេត្ត Niigata, ខេត្ត Komatsu និងព្រលានយន្តហោះផ្សេងទៀត ។

ដោយឡែកក្រុមហ៊ុន All Nippon Airways ក៏បានលុបចោលជើងហោះហើរចំនួន ៦ ផងដែរទាំងទៅកាន់ និងមកពីព្រលាន New Chitose, ព្រលាន Shonai និងព្រលានយន្តហោះផ្សេងទៀត ។

ក្រុមហ៊ុនអាកាសចរណ៍កំពុងអំពាវនាវឲ្យមនុស្សពិនិត្យមើលព័ត៌មានចុងក្រោយបំផុតនៅលើគេហទំព័ររបស់ពួកគេ ព្រោះជើងហោះហើរកាន់តែច្រើនអាចត្រូវបានលុបចោល ៕

ប្រែសម្រួលដោយ ៖ ជីវ័ន្ត

ប្រភព ៖ NHK