ដំណើរទស្សនកិច្ចរបស់លោក Austin អាចបង្ហាញពីការពង្រីកសកម្មភាព​យោធា អាមេរិក លើទឹកដី ហ្វីលីពីន

ប្រព័ន្ធផ្សព្វផ្សាយអាមេរិកបានរាយការណ៍នៅថ្ងៃពុធនេះថា អាមេរិ​កនឹងពង្រីកសកម្មភាពយោធានៅក្នុងប្រទេសហ្វីលីពីន បន្ទាប់ពីដំណើរទស្សនកិច្ចរបស់រដ្ឋមន្ត្រីការពារជាតិអាមេរិក លោក Lloyd Austin ទៅកាន់ទីក្រុងម៉ានីល ។

ប្រព័ន្ធផ្សព្វផ្សាយបានឲ្យដឹងទៀតថា ក្រុងវ៉ាស៊ីនតោនកំពុងសម្លឹងរកមើលការពង្រីកយោធាចូលទៅកាន់មូលដ្ឋានរបស់ប្រទេសហ្វីលីពីន ដោយផ្តោតសំខាន់លើប្រទេសចិន ព្រោះតែមានការផ្លាស់ប្តូរតុល្យភាពនៃអំណាចនៅក្នុងតំបន់ឥណ្ឌូប៉ាស៊ីហ្វិក ។

ពាក់ព័ន្ធនឹងបញ្ហានេះដែរ ប្រព័ន្ធផ្សព្វផ្សាយបញ្ជាក់ថា ទាហានហ្វីលីពីន និងអាមេរិកជាង ១៦,០០០ នាក់នឹងធ្វើសមយុទ្ធយោធារួមគ្នាប្រចាំឆ្នាំ Balikatan ដែលគ្រោងរៀបចំឡើងចាប់ពីថ្ងៃទី ២៤ ដល់ថ្ងៃទី២៧ ខែមេសា នៅទីក្រុង Laoag ប្រទេសហ្វីលីពីន ។

គួររំឭកថា លោក Lloyd Austin បានធ្វើដំណើរទៅកាន់ប្រទេសកូរ៉េខាងត្បូង និងហ្វីលីពីនកាលពីថ្ងៃទី ២៩ ខែមករា ឆ្នាំ២០២៣ ដើម្បីជួបជាមួយមន្ត្រីជាន់ខ្ពស់នៃប្រទេសទាំងនោះ សម្រាប់កិច្ចពិភាក្សាស្តីពីសន្តិសុខឥណ្ឌូប៉ាស៊ីហ្វិក ។

ប្រែសម្រួលដោយ ៖ នាង​ រតនៈ

ប្រភព ៖​ Sputnik

ចុចអាន ៖ លោក ពូទីន ណែនាំឲ្យរុស្ស៊ី ចុះហត្ថលេខាលើកិច្ចព្រមព្រៀងយោធា ជាមួយសម្ព័ន្ធមិត្តដែកថែប