ប្រទេសអឺរ៉ុបមួយទៀតប្រកាសផ្ដល់រថក្រោះខ្លារខិន Leopard ឲ្យ អ៊ុយក្រែន

បើយោងតាមសារព័ត៌មានអេស្ប៉ាញបានរាយការណ៍នៅថ្ងៃពុធនេះថា រដ្ឋាភិបាលអេស្ប៉ាញនឹងបញ្ជូនរថក្រោះខ្លារខិនធុន Leopard 2A4 ចន្លោះពី ៤ ទៅ ៦ គ្រឿងឲ្យប្រទេសអ៊ុយក្រែន ។

ប្រព័ន្ធផ្សព្វផ្សាយបាននិយាយថា ទោះជាយ៉ាងណា ការសម្រេចចិត្តចុងក្រោយលើចំនួនជាក់លាក់ណាមួយនៃរថក្រោះដែលត្រូវដឹកជញ្ជូនទៅឲ្យរដ្ឋាភិបាលទីក្រុងកៀវ នឹងអាស្រ័យលើលក្ខខណ្ឌនៃរថក្រោះចំនួន ៥៣ គ្រឿងដែលកំពុងឈរជើងបម្រុងនៅមូលដ្ឋាន Zaragoza អស់ជាច្រើនទសវត្សរ៍មកនេះ ។

កាលពីសប្តាហ៍មុន អាល្លឺម៉ង់បានប្តេជ្ញាបញ្ជូនរថក្រោះប្រយុទ្ធ Leopard 2A6 ចំនួន ១៤ គ្រឿងទៅកាន់អ៊ុយក្រែន បន្ទាប់ពីត្រូវបានជំរុញម្តងហើយម្តងទៀតដោយសម្ព័ន្ធមិត្តអឺរ៉ុប និងអង្គការណាតូ ខណៈរដ្ឋាភិបាលទីក្រុងប៊ែរឡាំងបាននិយាយទៀតថា ក៏នឹងអនុញ្ញាតឲ្យប្រទេសផ្សេងទៀត ដែលមានរថក្រោះផលិតដោយអាល្លឺម៉ង់មួយនេះ អាចបញ្ជូនទៅកាន់អ៊ុយក្រែនបានដូចគ្នាផងដែរ ។

គួរបញ្ជាក់ថា ប្រទេសលោកខាងលិចបានបង្កើនការគាំទ្រផ្នែកយោធារបស់ពួកគេយ៉ាងច្រើនសន្ធឹកសន្ធាប់សម្រាប់អ៊ុយក្រែន បន្ទាប់ពីប្រទេសរុស្ស៊ីចាប់ផ្តើមប្រតិបត្តិការសឹកពិសេសកាលពីថ្ងៃទី ២៤ ខែកុម្ភៈ ឆ្នាំ ២០២២ ដើម្បីឆ្លើយតបទៅនឹងការអំពាវនាវសុំជំនួយពីសាធារណរដ្ឋ Donetsk និង Luhansk ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ក្រៅពីរថក្រោះ អ៊ុយក្រែន ចង់បាននាវាមុជទឹក និងនាវាចម្បាំងបន្ថែមទៀត