ព័ត៌មានជាតិ

សហព័ន្ធកីឡាវាយកូនគោលកម្ពុជា វិភាគទានចំនួន ៥០.០០០ដុល្លារ គាំទ្រគំរោងសម្តេចតេជោសម្រាប់សកម្មភាពមីន

បានផុស

៣ years មុន

នៅ

ថ្ងៃចន្ទ ៦ កុម្ភៈ ២០២៣

ដោយ

រសៀលថ្ងៃទី០៦ ខែកុម្ភៈ ឆ្នាំ២០២៣ នៅទីស្នាក់ការអាជ្ញាធរមីន លោក ជា បូរ៉ា រដ្ឋលេខាធិការក្រសួងទេសចរណ៍ និងជាអគ្គលេខាធិការសហព័ន្ធកីឡាវាយកូនគោលកម្ពុជា តំណាងដ៏ខ្ពង់ខ្ពស់ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានសហព័ន្ធកីឡាវាយកូនគោលកម្ពុជា បាននាំយកនូវវិភាគទានសប្បុរសធម៌ចំនួន ៥០.០០០ ដុល្លារអាមេរិក របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រគល់ជូនអាជ្ញាធរមីន ដើម្បីចូលរួមគាំទ្រដល់គម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ដែលថវិកានេះ ទទួលបានពីការចូលរួមឧបត្ថម្ភក្នុងព្រឹត្តិការណ៍ប្រកួតកីឡាវាយកូនគោល “ពានរង្វាន់សម្ដេចតេជោនាយករដ្ឋមន្ត្រី លើកទី៦” កាលពីថ្ងៃទី២៤ ខែធ្នូ ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានថ្លែងអំណរគុណយ៉ាងជ្រាលជ្រៅជូនចំពោះសហព័ន្ធកីឡាវាយកូនគោលកម្ពុជា ក្រោមការដឹកនាំរបស់ សម្តេចពិជ័យសេនា ដែលបាននាំយកនូវថវិការបស់សម្តេចតេជោនាយករដ្ឋមន្ត្រី ក្នុងការចូលរួមដោះស្រាយបញ្ហាមីននៅកម្ពុជា ហើយវិភាគទាននេះ នឹងអាចចូលរួមផ្តល់នៅភាពកក់ក្តៅជូនប្រជាពលរដ្ឋបានយ៉ាងច្រើន ក៏ដូចជាជួយផ្សព្វផ្សាយ និងជម្រុញវិស័យទេសចរណ៍កម្ពុជា ឲ្យមានភាពកាន់តែទាក់ទាញ និងប្រកបដោយសុវត្ថិភាព។

លោក ទេសរដ្ឋមន្ត្រី បានមានប្រសាសន៍ថា ដោយមានការគាំទ្រពីរាជរដ្ឋាភិបាល ប្រទេសជាមិត្ត ដៃគូអភិវឌ្ឍន៍ និងសប្បុរសជននានា កម្ពុជាអាចយកឈ្នះសង្គ្រាមប្រយុទ្ធប្រឆាំងនឹងគ្រាប់មីន និងអាចឈានទៅប្រកាសកម្ពុជាគ្មានមីនឆ្នាំ២០២៥ ស្របតាមទស្សនវិស័យរបស់សម្តេចតេជោនាយករដ្ឋមន្ត្រី៕

Related Topics:លោក លី ធុជ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា