លោក លី ធុជ៖ ជីវភាពរស់នៅរបស់ប្រជាពលរដ្ឋ គឺជាកិច្ចការអាទិភាព របស់រាជរដ្ឋាភិបាលកម្ពុជា

ថ្ងៃទី១០ ខែឧសភា ឆ្នាំ២០២៥ តាងនាមសម្តេចកិត្តិសង្គហបណ្ឌិត ម៉ែន សំអន ប្រធានក្រុមការងារគណបក្សចុះមូលដ្ឋានខេត្តស្វាយរៀង លោក លី ធុជ ប្រធានក្រុមការងារគណបក្សចុះមូលដ្ឋានក្រុងបាវិត ខេត្តស្វាយរៀង បានអញ្ជើញជួបសំណេះសំណាល និងចែកអំណោយដល់ប្រជាពលរដ្ឋមានជីវភាពខ្វះខាត (ក្រីក្រ១) នៅសង្កាត់បាទី ក្រុងបាវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះ លោក លី ធុជ បាននាំយកសេចក្តីសាកសួរសុខទុក្ខ និងក្តីនឹករលឹកពីសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចធិបតី ហ៊ុន ម៉ាណែត នាយករដ្ឋមន្រ្តី ជូនប្រជាពលរដ្ឋនៅក្រុងបាវិតទាំងអស់ ព្រមទាំងសម្តែងនូវការដឹងគុណចំពោះគោលនយោបាយរបស់រាជរដ្ឋាភិបាលកម្ពុជា ដែលតែងតែគិតគូរ និងយកចិត្តទុកដាក់ក្នុងការលើកស្ទួចជីវភាពរស់នៅរបស់ប្រជាជនកម្ពុជា។

លោកបានគូសបញ្ជាក់ទៀតថា ជីវភាពរស់នៅរបស់ប្រជាពលរដ្ឋ គឺជាកិច្ចការអាទិភាព របស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តី ក្នុងនោះគោលនយោបាយកាត់បន្ថយភាពក្រីក្រ រដ្ឋាភិបាលតែងតែផ្តល់ប្រាក់ឧបត្ថម្ភដល់គ្រួសារក្រីក្រ ការបណ្តុះបណ្តាលជំនាញវិជ្ជាជីវៈដើម្បីទទួលបាននូវឱកាសការងារនិងប្រាក់ចំណូលខ្ពស់ និងការថែទាំសុខភាពដោយឥតគិតថ្លៃតាមរយៈការផ្តល់ប័ណ្ណ .ប.ស.ស. និងប័ណ្ណក្រីក្រ ជាដើម។

ជាមួយគ្នានោះ លោក លី ធុជ បានអំពាវនាវឱ្យប្រជាជនកម្ពុជាទាំងអស់បន្តគាំទ្រការដឹកនាំរបស់ សម្តេចធិបតី បន្តគាំទ្រដល់គោលនយោបាយរបស់រាជរដ្ឋាភិបាលកម្ពុជា និងបោះឆ្នោតជូនគណបក្សប្រជាជនកម្ពុជាគ្រប់អាណត្តិ ដើម្បីអាចបន្តបេសកកម្មដ៏ថ្លៃថ្លាសម្រាប់ជាតិមាតុភូមិ និងធ្វើឱ្យប្រទេសកាន់តែរីកចម្រើន និងជីវភាពរបស់ពលរដ្ឋកាន់តែល្អប្រសើរ៕

ដោយ៖ ភក្ដី