តែងតាំងលោកឧត្តមសេនីយ៍ទោ ឈឿន ប៊ុនឆន ជាស្នងការនគរបាលខេត្តព្រៃវែង

លោកឧត្តមសេនីយ៍ទោ ឈឿន ប៊ុនឆន ត្រូវបានតែងតាំងជាស្នងការ នៃស្នងការដ្ឋាននគរបាលខេត្តព្រៃវែង បន្ទាប់ពីបញ្ចប់មុខដំណែងពីប្រធាននាយកដ្ឋានវិទ្យុទាក់ទង នេះបើតាមសេចក្ដីប្រកាសដែលក្រុមការងារទើបទទួលបាននៅថ្ងៃទី២៨ ខែកុម្ភៈនេះ។

ពិធីប្រកាសចូលកាន់ដំណែងជាស្នងការខេត្តនេះ នឹងត្រូវធ្វើឡើងនៅថ្ងៃទី០៦ ខែមីនា ឆ្នាំ២០២៣ ក្រោមអធិបតីភាព នាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ បើមិនមានការប្រែប្រួល។

សូមរំលឹកថា លោកឧត្តមសេនីយ៍ទោ ឈឿន ប៊ុនឆន ត្រូវបានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជា​ណាចក្រកម្ពុជា ចេញអនុក្រិត្យបញ្ចប់មុខតំណែងចេញពីប្រធាននាយកដ្ឋានវិទ្យុទាក់ទង តាមអនុក្រិត្យ លេខ ១៦៣ អនក្រ តត ចុះថ្ងៃទី៨ ខែកុម្ភៈ ឆ្នាំ២០២៣ កន្លងទៅ៕