រឿង«កូនប្រុសក្រោមពន្លឺព្រះចន្ទពេញបូណ៌មី»នឹងត្រូវចាក់ផ្សាយនៅថ្ងៃទី២០ មីនា ស្អែកនេះ

តាមរយៈបណ្តាញតេឡេក្រាមរបស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានឱ្យដឹងថា រឿង«កូនប្រុសក្រោមពន្លឺព្រះចន្ទពេញបូណ៌មី»នឹងត្រូវចាក់ផ្សាយនៅថ្ងៃទី២០ មីនា ស្អែកនេះហើយ។

សម្តេចតេជោ បានសរសេរតាមតេឡេក្រាម ដូច្នេះថា« ជូនបងប្អូនជនរួមជាតិ! រឿងកូនប្រុសក្រោម​ពន្លឺព្រះចន្ទពេញ​បូណ៍មី នឹងត្រូវចាក់ផ្សាយនៅថ្ងៃទី ២០ មីនា ឆ្នាំ ២០២៣ស្អែកនេះ តាមកញ្ចក់ទូរទស្សន៍បាយន្ត។

សម្តេចតេជោ បានបញ្ជាក់ទៀតថា «កាលពីថ្ងៃទី ១៣ មីនា២០២៣ ខ្ញុំបាននិយាយថា ឆាណែលតេលេក្រាម​របស់ខ្ញុំនឹងចាក់​ផ្សាយក្រោយទូរទស្សន៍បាយន្តក្នុងរង្វង់ ២ឬ៣ម៉ោង។ អាស្រ័យដោយទូរទស្សន៍បាយន្តត្រូវចាក់ផ្សាយ បន្ទាប់មកត្រូវចាក់ផ្សាយឡើងវិញ ដូចនេះឆាណែលតេឡេក្រាមរបស់ខ្ញុំនឹងចាក់ផ្សាយរយៈពេល១០ម៉ោងយ៉ាងតិច ក្រោយការផ្សាយរបស់ទូរទស្សន៍បាយន្ត។

សម្តេចគូសបញ្ជាក់ថា «ខ្ញុំនិងបង្ហោះចេញម្តងមួយភាគជាមួយគ្នា តែម្តង»៕