Katy Perry និយាយលេងសើចជ្រុល ធ្វើឱ្យបេក្ខនារីម្នាក់ដកខ្លួនចេញពីកម្មវិធី American Idol

បេក្ខនារី Sara Beth Liebe បានដកខ្លួនចេញពីកម្មវិធីប្រកួតចម្រៀង American Idol 2023 បន្ទាប់ពីគណៈកម្ម ការដែលជាតារាចម្រៀង Katy Perry បាននិយាយលេងសើចប្រើប្រាស់មិនសមរម្យដែលធ្វើឱ្យនាងឈឺចាប់ ។

ការថ្ងៃទី ៣ ខែមេសាគេហទំព័រ Page Six បានរាយការណ៍ថាបេក្ខនារី Sara Beth Liebe បានចាកចេញពីកម្មវិធីប្រលងចម្រៀង American Idol ទោះបីនាងបានឈានទៅជុំបន្ទាប់ក៏ដោយ នាងនៅតែសម្រេចចិត្តបដិសេធឱកាសនេះ ។ បេក្ខនារីរូបនេះបានថ្លែងនៅចំពោះមុខចៅក្រមទាំងបីថា“ការមានវត្តមាននៅក្នុងកម្មវិធីនេះគឺជាឱកាសដ៏ល្អមួយ ប៉ុន្តែនេះនឹងក្លាយជាការសម្តែងចុងក្រោយរបស់ខ្ញុំ ហើយខ្ញុំនឹងត្រលប់ទៅផ្ទះជាមួយកូនៗដែលត្រូវការខ្ញុំ ដូច្នេះសូមអរគុណច្រើន”។

ភ្លាមៗនោះ នាងក៏ប្រញាប់ចេញពីឆាក នេះបានធ្វើឲ្យគណៈកម្មការមានការភ្ញាក់ផ្អើលនិងច្របូកច្របល់ ក្នុងនោះតារាចម្រៀង Katy Perry ក៏បាននិយាយលើកចិត្តនាងកំុឲ្យបោះបង់ការប្រកួតមួយនេះ។ ជាមួយគ្នានេះ Katy Perry ត្រូវបានគេរិះគន់ចំពោះការលេងសើចចំអករបស់នាងអំឡុងពេល Sara Beth Liebe នាំខ្លួនជាលើកដំបូង ដែលបេក្ខនារីរូបនេះទម្លាយថានាងជាម្តាយកូន ៣ ទៅកាន់គណៈកម្មការ ។

យ៉ាងណាមិញ នៅលើបណ្ដាញសង្គមមានមនុស្សជាច្រើនបានវាយបករិះគន់ Katy Perry ដោយ​សារ​ពួកគេគិតថានាងមើលងាយភាពជាម្ដាយរបស់ Sara Beth។ ក្រោយមក បេក្ខនារីរូបនេះបានចែករំលែកក្នុងឃ្លិបមួយដែលនាងមានអារម្មណ៍ខ្មាសអៀននិងឈឺចាប់ ៕

ប្រែសម្រួល៖នាងតូច

ចុចអាន៖តារាអន្តរជាតិ ៦ រូប ប្រាប់ពីចំនួនមនុស្សធ្លាប់គេងជាមួយ ខ្លះឈានដល់ខ្ទង់ពាន់