ទីក្រុងហាណូយ ចេញបញ្ជាឲ្យពាក់ម៉ាសដាច់ខាត ខណៈកូវីដ ផ្ទុះឡើងជាថ្មី

អាជ្ញាធរបានកំណត់ថា ការរាតត្បាតជំងឺកូវីដ១៩ថ្មីៗ នៅទីក្រុងហាណូយមានន័យថា ប្រជាជនដែលប្រើប្រាស់សេវាដឹកជញ្ជូនសាធារណៈ និងធ្វើការនៅផ្សារទំនើប រោងកុន និងបារ៍ ត្រូវតែពាក់ម៉ាសដាច់ខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងបទបញ្ជាមួយកាលពីយប់ថ្ងៃអង្គារទី១៨ខែមេសា គណៈកម្មាធិការប្រជាជនទីក្រុង បានបញ្ជាក់ថា មនុស្សគ្រប់រូបដែលជិះយានជំនិះសាធារណៈ រួមទាំងអ្នកដំណើរ អ្នកបើកបរ និងបុគ្គលិកផ្សេងទៀតផងដែរ ត្រូវតែពាក់ម៉ាស។ 

ស្របពេលជាមួយគ្នានោះ បុគ្គលិកផ្នែកសេវាកម្ម អ្នកគ្រប់គ្រង និងបុគ្គលិកនៅកន្លែងបិទជិត ដូចជា បារ៍ ឌីស្កូ ខារ៉ាអូខេ និងហាងម៉ាស្សា ហាងកែសម្ផស្ស កន្លែងហាត់ប្រាណ ភោជនីយដ្ឋាន រោងកុន សាលមហោស្រព រោងសៀក និងកន្លែងហាត់ប្រាណ គឺតម្រូវឲ្យពាក់ម៉ាសគ្រប់ពេលវេលា។

ម៉ាសក៏ជាកាតព្វកិច្ចផងដែរសម្រាប់បុគ្គលិកសេវាកម្ម អ្នកគ្រប់គ្រង និងអ្នកចូលរួមក្នុងកន្លែងវប្បធម៌ និងទេសចរណ៍ និងកន្លែងផ្សេងទៀតដែលរៀបចំព្រឹត្តិការណ៍មានមនុស្សច្រើនកុះករ។

ទន្ទឹមនោះ រដ្ឋបាលបានណែនាំដល់ស្ថាប័នពាក់ព័ន្ធ ឲ្យបន្តការប្រុងប្រយ័ត្ន និងតាមដានស្ថានភាពជំងឺរាតត្បាត ដើម្បីធ្វើផែនការទាន់ពេលវេលា រួមទាំងការចាក់វ៉ាក់សាំង ពង្រឹងការត្រួតពិនិត្យវិធានការសុវត្ថិភាពនៅតាមអាជីវកម្ម និងគ្រឹះស្ថានផ្សេងៗ នៅតាមសាលារៀន ព្រំដែន និងកន្លែងថែទាំសុខភាពផងដែរ។

គួរបញ្ជាក់ថា ទីក្រុងហាណូយ បានកត់ត្រាចំនួនករណីកូវីដខ្ពស់បំផុត ក្នុងរយៈពេល៥ថ្ងៃចុងក្រោយពោលគឺជាមធ្យមមួយថ្ងៃឆ្លង៩៦នាក់៕

ប្រែសម្រួល៖ Vann Vann

ប្រភព៖ VN Express

ចុចអាន៖ ទីក្រុងអ៊ូហានប្រែមុខមាត់ថ្មី ក្រោយបិទខ្ទប់ ដោយសារ កូវីដ រយៈពេល ៣ ឆ្នាំ