ជីវិតកម្សាន្ដ
តារាកំប្លែង កាឆយ ទទូចចង់ឃើញការចូលរួមគាំទ្រផ្នែកសិល្បៈបុរាណពីមជ្ឈដ្ឋានទូទៅ
តារាកំប្លែងជើងចាស់អ្នកនាង កាឆយ បានចេញមកអំពាវនាវដោយទទូចចង់ឃើញមហាជន និងអ្នកគាំទ្រ ឬគ្រប់ភាគីពាក់ព័ន្ធទាំងអស់ គួរមានការគិតគូរ និងចូលរួមគាំទ្រទៅលើផ្នែកសិល្បៈភ្លេងបុរាណផង។ ខណៈបច្ចុប្បន្ន សង្កេតឃើញហាក់ពុំសូវមានការលើកទឹកចិត្តទេ។
ការលើកឡើងរបស់តារាកំប្លែងអ្នកនាង កាឆយ នេះ ដោយសារកន្លងមកកត់សម្គាល់ឃើញថា តម្លៃ នៃការជួយក្រុមភ្លេងខ្មែរនៅមានកម្រិតចំពោះការលើកទឹកចិត្ត និងផ្នែកគាំទ្រ។ ជាក់ស្ដែងថ្មីៗ នេះ អ្នកនាង កាឆយ បានបង្ហាញការស្ដាយស្រណោះ និងសោកសៅ ក្រោយមរណភាពរបស់អ្នកភ្លេងដៃឃឹមជើងចាស់លោក សូ សំអាត ហាក់មិនសូវមានការគិតគូរចូលរួមគាំទ្រ និងជ្រោមជ្រែងច្រើនពីអ្នកសិល្បៈ និងភាគីពាក់ព័ន្ធ។
អ្នកនាង កាឆយ បានរៀបរាប់ខ្លឹមសារថា «ខ្ញុំចង់ឃើញ បងៗ ដៃខ្សែបុរាណ និងប្អូនៗ អ្នកចម្រៀងបុរាណ មិនថាអ្នកល្បី ឬក៏មិនល្បី ចេះជួយគ្នា ចេះគាំទ្រគ្នា ចេះស្រលាញ់គ្នា កុំជួយតែអ្នកនៅរស់ ឬក៏អ្នកមានផលប្រយោជន៍ឲ្យយើងម្នាក់ៗ ពេលដែលនរណាស្លាប់ម្នាក់ ពួកយើងត្រូវសាមគ្គីគ្នា ហើយចេះលើកទឹកចិត្តដល់គ្រួសារនីមួយៗ កុំឲ្យពួកគាត់បាក់ទឹកចិត្ត»។
តារាកំប្លែងអ្នកនាង កាឆយ បាននិយាយទៀតថា «ខ្ញុំដឹងថា ពួកគាត់កំពុងតែបាក់ទឹកចិត្តគ្រប់គ្នាៗ គ្មាននរណាឲ្យតម្លៃទេ នេះហើយបេះដូងអ្នកភ្លេង លេងពីរោះប៉ុណ្ណា លេងដល់ទៅស្លាប់ទៀត ក៏មិនល្បីដែរ អ្នកភ្លេងមិនដែលបានលុយច្រើនដូចអ្នកចម្រៀងទេ។ ហ៊ឺ អរគុណបងៗ និងប្អូន ដែលស្រលាញ់ខ្ញុំ សូមស៊ែទាំងអស់គ្នា»។
អ្នកនាង កាឆយ បានបញ្ជាក់បន្ថែមតាមរយៈសារព័ត៌មានថា ការលើកឡើងខាងលើនេះគឺដោយសារអ្នកនាងឃើញមានអ្នកសិល្បៈបុរាណ គឺផ្នែកលេងឧបករណ៍ភ្លេងខ្មែរ នៅពេលដែលពួកគាត់បាត់បង់សមត្ថភាព ឬទទួលមរណភាព ហាក់មិនសូវមានការជួយជ្រោមជ្រែងច្រើនពីអ្នកសិល្បៈដូចគ្នា ជាពិសេសស្ថាប័នពាក់ព័ន្ធ។ អ្នកនាង កាឆយ ក៏បានស្នើឲ្យអ្នកសិល្បៈបុរាណទាំងអស់ គួរមានការរួបរួមគ្នា កុំចាំបាច់គិតពីអ្នកល្បី ឬមិនល្បី ហើយបើអាច អ្នកនាងស្នើដល់ស្ថាប័នពាក់ព័ន្ធ គួរតែគិតគូរបន្ថែមទៀតដល់ពួកគាត់ផង៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ