កីឡា

សំបុត្រទស្សនាការប្រកួតកម្ពុជាប៉ះបង់ក្លាដែសជិតអស់ហើយ

បានផុស

២ years មុន

នៅ

ថ្ងៃចន្ទ ១២ មិថុនា ២០២៣

ដោយ

សំបុត្រសម្រាប់ចូលទស្សនាការប្រកួតមិត្តភាពអន្តរជាតិ “Vattanac International Friendly” រវាងក្រុមបាល់ទាត់ជម្រើសជាតិកម្ពុជាទទួលក្រុមជម្រើសជាតិបង់ក្លាដែសនៅថ្ងៃទី១៥ ខែមិថុនានេះជិតអស់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីប្រកាសលក់សំបុត្រជាផ្លូវការកាលពីថ្ងៃទី១០ ខែមិថុនា អ្នកគាំទ្របាល់ទាត់កម្ពុជាបានទិញសំបុត្រយ៉ាងឆាប់រហ័សដែលធ្វើឲ្យការលក់ជិតអស់ហើយ។ គិតត្រឹមព្រឹកថ្ងៃចន្ទ ទី១២ ខែមិថុនានេះ សំបុត្រនៅសល់ត្រឹមតែ៤០០សន្លឹកប៉ុណ្ណោះគឺតំបន់ A នៅសល់១០០សន្លឹក និងតំបន់ B នៅសល់៣០០សន្លឹក។ សម្រាប់សំបុត្រនៅសល់នេះ អ្នកគាំទ្រអាចរកទិញបានតាមរយៈ App Live. by Wonderpass។

សូមបញ្ជាក់ថា សំបុត្រតំបន់ A មានតម្លៃ ៣០ ០០០រៀល និងសំបុត្រតំបន់ B មានតម្លៃ១៥ ០០០រៀល។ ទោះបីជាយ៉ាងណា សហព័ន្ធកីឡាបាល់ទាត់កម្ពុជាមិនបានបញ្ជាក់ថា ចំនួនសំបុត្រដែលត្រូវលក់ចូលទស្សនាមានប៉ុន្មានឡើយ ប៉ុន្តែប្រសិនបើដាក់អ្នកទស្សនាតាមចំនួនកៅអីជ័រដូលកាលព្រឹត្តិការណ៍កីឡាស៊ីហ្គេមមានចំនួន៣ម៉ឺននាក់។

ការប្រកួតបាល់ទាត់មិត្តភាពអន្តរជាតិរវាងម្ចាស់ផ្ទះកម្ពុជា និងបង់ក្លាដែស នឹងធ្វើនៅវេលាម៉ោង៧យប់ ថ្ងៃទី១៥ ខែមិថុនា ឆ្នាំ២០២៣ នៅពហុកីឡដ្ឋានជាតិអូឡាំពិក។ ចាំបានថា កាលពីចុងឆ្នាំ២០២២ កម្ពុជាបានចាញ់បង់ក្លាដែស ដោយលទ្ធផល ១-០ សម្រាប់ការប្រកួតមិត្តភាពអន្តរជាតិនៅពហុកីឡដ្ឋានជាតិមរតកតេជោ៕