ព័ត៌មានជាតិ

អ្នកជំនាញប្រាប់ថាអំឡុងពេលនេះជាឱកាសសម្រាប់វិនិយោគលើអចលនទ្រព្យ

បានផុស

៥ years មុន

នៅ

ថ្ងៃអាទិត្យ ២៤ មករា ២០២១

ដោយ

ក្នុងពេលដែល វិស័យអចលនទ្រព្យ នៅលើពិភពលោក និងក្នុងប្រទេសកំពុងជួបបញ្ហាលំបាកដោយសារតែការផ្ទុះឡើងនៃងឺកូវីដ១៩ ក្រុមអ្នកជំនាញបានប្រាប់ថា ពេលនេះ គឺជាឱកាសសម្រាប់អ្នកវិនិយោគលើវិស័យអចលនទ្រព្យ។

ឱកាសនៅត្រង់ថា អ្នកវិនិយោគ អាចជ្រើសរើសបានអចលទ្រព្យដែលល្អ ដែលមានតម្លៃក្រោមទីផ្សារ ព្រោះកាលពេលមុនកូវីដ១៩ អ្នកលក់អាចលក់លើតម្លៃទីផ្សារ ដល់ទទៅ ២០ ទៅ ៣០ ភាគរយ។

អ្នកវាយតម្លៃ និងភ្នាក់ងារអចលនទ្រព្យកម្ពុជា (CVEA) នៅក្នុងសន្និសីទសារព័ត៌មាន នៅថ្ងៃទី ២៣ ខែមករា ២០២០

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គាម សៀកឡុង ទីប្រឹក្សាផ្នែកអាជីវកម្មអចលនវត្ថុសមាគមអ្នកវាយតម្លៃ និងភ្នាក់ងារអចលនទ្រព្យកម្ពុជាបានថ្លែងថា មុនឆ្នាំ ២០២០ ស្ថានភាពទិញលក់ វិស័យអចលនទ្រព្យនៅកម្ពុជា មានភាពល្អប្រសើ សន្ទុះនៃការទិញលក់ គឺមានច្រើន ស្ទើតែគ្រប់ខេត្តដែលជាប៉ូលសេដ្ឋកិច្ចសំខាន់ៗរបស់កម្ពុជា។

លោក ថានៅពេលដែលកំពុងតែមានការរីកចម្រើន ប៉ុន្មានឆ្នាំចុងក្រោយនេះ ស្រាប់តែព្រឹត្តិការនៃជំងឺកូវីដ១៩ ផ្ទុះឡើងបានធ្វើឲ្យមានការរឹតបន្តឹងការធ្វើដំណើរពីអន្តរជាតិ និងក្រុងប្រទេសមានការបិទ ស្ថានភាពនេះធ្វើឲ្យកម្ពុជាក៏បាត់ចំនួនភ្ញៀវបរទេស ដែលធ្លាប់តែវិនិយោគលើការទិញលក់ជួល អគារខុនដូមានការធ្លាក់ចុះ។

លោកថា ក្នុងពេលនេះសម្រាប់អ្នកវិនិយោគ ដែលមានទឹកប្រាក់ច្រើន គឺជាឱកាសក្នុងការទទួលបានផលចំណេញ ដោយសារតែការវិនិយោគក្នុងតម្លៃល្អ។

ហើយម្ចាស់ទ្រព្យខ្លះក៏ត្រូវការទុនបង្វិលគាត់អាចលក់បានក្រោមតម្លៃទីផ្សារ ដែលឆ្លុះបញ្ចាំងពីតម្លៃទីផ្សារពិត និងសេដ្ឋកិច្ចពិតប្រាកដពីព្រោះមុនស្ថានភាពកូវីដមកដល់ភាគច្រើនម្ចាស់ទ្រព្យគាត់លក់ដាក់តម្លៃលើទីផ្សារពី ២០ ទៅ ៣០ ភាគរយ ប៉ុន្តែនៅពេលស្ថានភាពនេះ គឺជាតម្លៃទីផ្សារពិតប្រាកដ។

លោក ម៉ាន់ ច័ន្ទឌី អនុប្រធានសមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា បានប្រាប់ថា ការវិនិយោគលើអចលនទ្រព្យសំខាន់បំផុតគឺព័ត៌មាន ប្រសិនបើមាន ព័ត៌មានពេញដៃ ហើយវិនិយោគទៅមិនខុសទេ តែបើអត់ព័ត៌មានដាក់ទៅដឹងតែខុសហើយ។

លោកថា មុនវិនិយោគ គឺយើងត្រូវសិក្សាកន្លែងដែលធ្វើការវិនិយោគឲ្យបានច្បាស់លាស់ ចាប់តាំងពីការវិនិយោគ ការទិញលក់ ត្រូវការពេលប៉ុន្មាន ហេដ្ឋារចនាសម្ព័ន្ធត្រូវធ្វើអ្វីខ្លះ ជារឿងសំខាន់ បានយើងវិនិយោគទៅ មិនកប់លុយ។

ចំពោះអ្នកវិនិយោគ ពេលនេះគេគិតថា ជាឱកាសហើយព្រោះជាពេលដែលយើងរើសបានអចលទ្រព្យដែលល្អ ហើយតម្លៃក្រោមទីផ្សា។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា(CVEA) បានប្រាប់ថា ឱកាសនេះ ប្រសិនបើយើងមានលុយគឺយើងគួរតែទិញទុក ដោយពិភាក្សាជាមួយង្នកជំនាញឲ្យបានច្រើននោះយើងនឹងទទួលបានផលចំណេញ។

លោកបញ្ជាក់ថា ស្ថានភាពវិស័យអចលនទ្រព្យនៅឆ្នាំ ២០២០ នៅតែបន្តភាពរឹងមាំដដែល បើទោះបីជាបាត់មួយចំណែកនៃវិនិយោគគិនបរទេសក៏ដោយ៕

អត្ថបទ៖ ឡេង ដេត