ព័ត៌មានជាតិ
អាជ្ញាធរខេត្តព្រះសីហនុ ដុតបំផ្លាញគ្រឿងញៀនជាង ២ តោន
គ្រឿងញៀនមានទម្ងន់សរុបជាង ២ តោន អាជ្ញាធរដុតបំផ្លាញចោលនៅខេត្តព្រះសីហនុ បន្ទាប់ពីគ្រឿងញៀនជាច្រើនប្រភេទនេះ ត្រូវបានសមត្ថកិច្ចជំនាញធ្វើការបង្ក្រាបបានមកពីខេត្តចំនួន ៣ គឺ ខេត្តកំពត ខេត្តកំពង់ស្ពឺ និងខេត្តព្រះសីហនុ។
ពិធីដុតបំផ្លាញគ្រឿងញៀននេះបានធ្វើឡើងកាលពីថ្ងៃទី ៧ ខែកក្កដា ឆ្នាំ ២០២៣ ក្នុងទិវាអន្តរជាតិប្រយុទ្ធប្រឆាំងគ្រឿងញៀន ២៦ ខែមិថុនា ឆ្នាំ ២០២៣ ស្ថិតនៅដីឡូត៍ជិតមន្ទីរសង្គមកិច្ច អតីតយុទ្ធជន និងយុវនីតិសម្បទា សង្កាត់លេខ ១ ក្រុង/ខេត្តព្រះសីហនុ។ ពិធីនេះប្រព្រឹត្តទៅ ក្រោមអធិបតីភាពលោក កេង សុម៉ារិទ្ធ រដ្ឋលេខាធិការក្រសួងយុត្តិធម៌ លោកនាយឧត្ដមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងលោក គួច ចំរើន អភិបាលខេត្តព្រះសីហនុ និងតំណាងអាជ្ញាធរ ស្ថាប័នពាក់ព័ន្ធមកពីខេត្តកំពត ខេត្តកំពង់ស្ពឺ និងមន្ត្រីមកពីមន្ទីរ ស្ថាប័នអង្គភាព ក្នុងខេត្តព្រះសីហនុជាច្រើននាក់ចូលផងដែរ។
យោងតាមរបាយការណ៍លើកឡើងក្នុងពិធីដុតបំផ្លាញគ្រឿងញៀនបានឲ្យដឹងថា គ្រឿងញៀនចម្រុះទម្ងន់សរុបចំនួនជាង ២១៥១ គីឡូក្រាម ដែលសមត្ថកិច្ចខេត្តទាំង ៣ ធ្វើការបង្ក្រាប និងរឹបអូសពីជនល្មើស និងបានបិទបញ្ចប់សំណុំរឿងនៅតុលាការខេត្តទាំង ៣ តាមនីតិវិធី ក្នុងនោះ ៖ ទី១-សំណុំរឿងព្រហ្មទណ្ឌចំនួន ៧១ សំណុំរឿង របស់សាលាដំបូងខេត្តព្រះសីហនុ ដែលមានសារធាតុញៀន ចំនួន ២,០៤៥ គីឡូក្រាម, កញ្ឆាក្រៀម ១១ គីឡូក្រាម។ ទី២-សំណុំរឿងព្រហ្មទណ្ឌចំនួន ២១៦ សំណុំរឿង របស់សាលាដំបូងខេត្តកំពង់ស្ពឺ ដែលមានសារធាតុញៀន ៩២ គីឡូក្រាម។ ទី៣- សំណុំរឿងព្រហ្មទណ្ឌចំនួន ១០៧ សំណុំរឿង របស់សាលាដំបូងខេត្តកំពត ដែលមានសារធាតុញៀន ចំនួន ១ គីឡូក្រាម, កញ្ឆាក្រៀម ៤១.១២ ក្រាម។
នៅក្នុងឱកាសនោះដែរ លោក កេង សុម៉ារិទ្ធ រដ្ឋលេខាធិការក្រសួងយុត្តិធម៌ និងលោកនាយឧត្ដមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន បានថ្លែងអំណរគុណ និងកោតសរសើរដល់អាជ្ញាធរខេត្តទាំង ៣ និងកម្លាំងសមត្ថកិច្ចជំនាញពាក់ព័ន្ធទាំងអស់ ដែលបានខិតខំស្រាវជ្រាវ បង្ក្រាប និងទប់ស្កាត់បទល្មើសគ្រឿងញៀន មានចំនួនយ៉ាងច្រើននាពេលនេះ៕
អត្ថបទ ៖ ស៊ុយ ចាន់ធា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ