ព័ត៌មានជាតិ

អ្នកជំនាញ៖ ៦ ខែ អចលនទ្រព្យមិនល្អប្រសើរ និងបន្តរហូតដល់ចុងឆ្នាំ ២០២៣

បានផុស

៣ years មុន

នៅ

ថ្ងៃព្រហស្បតិ៍ ១៣ កក្កដា ២០២៣

ដោយ

វិស័យអចលនទ្រព្យនៅប្រទេសកម្ពុជានឹងមិនទាន់ងើបឡើងវិញទេ ខណៈស្ថានភាពអាចអូសបន្លាយបន្តរហូតដល់បំណាច់ឆ្នាំ ២០២៣។

កាលពីម្សិលមិញនេះ ក្រុមហ៊ុន CBRE Cambodia បានរៀបចំសិក្ខាសាលាបង្ហាញអំពីស្ថានភាពទីផ្សារអចលនទ្រព្យផ្តោតសំខាន់នៅរាជធានីភ្នំពេញប្រចាំឆមាសទី ១ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ជិន ច័ន្ទដាលុច្ស ប្រធានផ្នែកវាយតម្លៃជាន់ខ្ពស់របស់ក្រុមហ៊ុន CBRE បានផ្តល់សម្ភាសន៍ដល់សារព័ត៌មានកម្ពុជាថ្មីថា វិស័យអចលនទ្រព្យនៅប្រទេសកម្ពុជាកំពុងជួបបញ្ហា ដោយសារគម្រោងអភិវឌ្ឍជាច្រើនមានការជាប់គាំងឬពន្យារពេលបញ្ចប់គម្រោង។

អ្នកនាងបញ្ជាក់ថា ក្នុងរយៈពេល ៦ ខែ នេះ វិស័យសំណង់បន្តរងផលប៉ះពាល់ ហើយចរន្តទិញលក់មានការធ្លាក់ចុះ ខណៈតម្រូវការក៏មានការថមថយ។ ជាក់ស្ដែងស្ថានភាពនេះនឹងបន្តរហូតដល់ចុងឆ្នាំ ២០២៣។

«លំនៅឋានទាំងបុរី និងខុនដូបន្តធ្លាក់ចុះ អ្វីយើងឃើញជាក់ស្តែងគឺអ្នកអភិវឌ្ឍមានការពន្យារពេលក្នុងការបញ្ចេញគម្រោងនិងទំហំការអភិវឌ្ឍក៏តូចជាងមុន»។

អ្នកនាងបន្តថា គម្រោងជាច្រើនមិនដំំណើរការដោយសារតម្រូវការមិនសមស្របទៅការផ្គត់ផ្គង់។ វិស័យអចលនទ្រព្យនៅប្រទេសកម្ពុជារំពឹងលំហូរទុនវិនិយោគពីបរទេស។ កាលណាពីក្រៅប្រទេសមានបញ្ហា ក៏ប៉ះពាល់ដល់ការវិនិយោគក្នុងស្រុក។

ទាក់ទងការអភិវឌ្ឍគម្រោងខុនដូ និងបុរីមួយណាប៉ះពាល់ជាង បើតាមអ្នកនាង ជិន ច័ន្ទដាលុច្ស គឺម្យ៉ាងម្នាក់។ យ៉ាងណាមិញអ្នកជំនាញរូបនេះមើលឃើញថា ខណៈស្ថានភាពវិស័យអចលនទ្រព្យកំពុងជួបវិបត្តិ អ្នកវិនិយោគចាប់ផ្តើមសិក្សាគម្រោងអភិវឌ្ឍរបស់ខ្លួនឡើងវិញមានភាពច្បាស់លាស់ជាងមុន។ ជាមួយគ្នានេះដែរ រដ្ឋាភិបាលក៏ពង្រឹងការគ្រប់គ្រងគម្រោងអភិវឌ្ឍនានាដើម្បីរក្សាឲ្យមានស្ថេរភាពកុំឲ្យជាប់គាំង។

កាលពីម្សិលមិញនេះ ក្រុមហ៊ុន CBRE Cambodia បានរៀបចំសិក្ខាសាលាធ្វើបទបង្ហាញអំពីរបត់សេដ្ឋកិច្ចសំខាន់ៗ និងទិដ្ឋភាពទូទៅនៃដំណើរការទីផ្សារអចលនទ្រព្យនៅរាជធានីភ្នំពេញនាពាក់កណ្ដាលឆ្នាំ២០២៣ ដែលរួមមាន ការិយាល័យពាណិជ្ជកម្ម ផ្សារលក់រាយ ខុនដូ អាផាតមិន បុរី និងសណ្ឋាគារ។ ក្នុងសិក្ខាសាលាពេញមួយព្រឹក មានការចូលរួមពីអ្នកអភិវឌ្ឍអចលនទ្រព្យ អ្នកវិនិយោគ គ្រឹះស្ថានហិរញ្ញវត្ថុ និងអ្នកពាក់ព័ន្ធផ្សេងទៀតជាង ១០០ នាក់ដែលបានជជែកពិភាក្សាអំពីបញ្ហាប្រឈម និងឱកាសសម្រាប់ទីផ្សារអចលនទ្រព្យនៅប្រទេសកម្ពុជា៕

Related Topics:អចលនទ្រព្យ

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា