ជីវិតកម្សាន្ដ

សៃ ហ្វុន ប្រកាសថា នេះជាឆ្នាំចុងក្រោយក្នុងការប្រកួតវិស័យបវរកញ្ញា

បានផុស

៣ years មុន

នៅ

ថ្ងៃពុធ ១៦ សីហា ២០២៣

ដោយ

បវរកញ្ញាភេទទី៣ កម្ពុជា កញ្ញា សៃ ហ្វុន ដែលជាម្ចាស់មកុដ Miss Queen Cambodia 2020 បានប្រកាសពីជំហររបស់ខ្លួនថា ឆ្នាំនេះគឺជាឆ្នាំចុងក្រោយរបស់ខ្លួនក្នុងការចូលប្រកួតក្នុងវិស័យបវរកញ្ញា ខណៈនាងក៏បានសន្យាថានឹងធ្វើឱ្យអស់ពីសមត្ថភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បវរកញ្ញាភេទទី៣ កញ្ញា សៃ ហ្វុន បច្ចុប្បន្នបានលេចវត្តមានក្នុងការចូលរួមប្រឡងជាថ្មីនៅក្នុងកម្មវិធីប្រឡងសម្រស់ Miss universe Cambodia2023 បន្ទាប់ពីកម្មវិធីមួយនេះបានបើកឱកាសសម្រាប់អ្នកភេទទី៣ ដើម្បីប្រកួតប្រជែងដណ្ដើមមកុដ។ យ៉ាងណាពេលនេះ សៃ ហ្វុន បានត្រៀមខ្លួនដោយភាពជឿជាក់ក្នុងការប្រកួតដណ្ដើមយកមកុដនៅក្នុងឆ្នាំចុងក្រោយសម្រាប់ខ្លួននាងផ្ទាល់។

ស្របពេលនេះដែរ សៃ ហ្វុង ក៏បានប្រកាសបញ្ជាក់ថា
«ឆ្នាំនេះជាឆ្នាំចុងក្រោយរបស់ខ្ញុំក្នុងការចូលប្រកួតក្នុងវិស័យបវរកញ្ញានៅក្នុងវេទិកាមួយនេះ ខ្ញុំសន្យាថានឹងធ្វើឱ្យអស់ពីសមត្ថភាព អរគុណសម្រាប់ក្ដីស្រឡាញ់ពីអ្នកទាំងអស់គ្នាមកកាន់ខ្ញុំ តាំងពីចាប់ផ្ដើមរហូតមកដល់ពេលនេះ, road To Miss universe Cambodia 2023»។

ជាមួយគ្នានេះដែរ អ្នកគាំទ្របានបង្ហាញការលើកទឹកចិត្ត និងលើកឡើងថា លទ្ធផលបែបណាមិនសំខាន់ទេ សំខាន់ពេលនេះបានឈរឈ្មោះជាបេក្ខភាព MISS UNIVERSE ដំបូងគេបង្អស់នៅកម្ពុជា។

គួររម្លឹកដែរថាបវរកញ្ញាភេទទី ៣ កម្ពុជា សៃ ហ្វុន កន្លងមកក៏ធ្លាប់ចេញទៅប្រកួតនៅលើឆាកអន្តរជាតិក្នុងការដណ្ដើមមកុដនៃការប្រកួតបវរកញ្ញាភេទទី៣ អន្តរជាតិ Miss International Queen Pageant ឆ្នាំ២០២២៕

អត្ថបទ៖ ចាន់រ៉ា