ជីវិតកម្សាន្ដ

អ្នកច្នៃម៉ូដឈុតតំណាងជាតិពន្យល់ ក្រោយថៃប្រតិកម្មឈុត «អនុក្សត្រីបាយសីតេជៈ»

បានផុស

៤ years មុន

នៅ

ថ្ងៃអង្គារ ១៥ មីនា ២០២២

ដោយ

បន្ទាប់ពីមានជែកវែកញែក និងការរិះគន់លើឈុតតំណាងជាតិឈ្មោះ «អនុក្សត្រី បាយសីតេជៈ»ដែលច្នៃដោយអ្នកច្នៃម៉ូដ លី ភត្ត្រារដ្ឋហ្វុង ពីសំណាក់អ្នកប្រើប្រាស់បណ្តាញសង្គមនៅថៃមួយចំនួនដោយយល់ថាមិនល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកខ្លះទៀត ក៏បង្ហាញការមិនគាំទ្រដោយលើកហេតុផលក្រោមលេសថា បណ្តាអ្នកគាំទ្រនៅថៃបានបដិសេធ និងសំលៀកបំពាក់ជាតិរបស់MQCមួយនេះ ដោយគេបានសរសេរថា ប្រឆាំងនឹងការស្លៀកពាក់បែបនេះ។ វាពិតជាមិនស័ក្ដិសមទេ ដែលរបស់អស់ទាំងនេះជារបស់ដែលប្រជាជនឡាវ និងថៃគោរពបូជា។ តើអ្នកយកធ្វើឈុតមួយនេះឡើងមក បានដោយរបៀបណា? ដាក់បាយសីលើជើងយករបស់ខ្ពស់ធ្វើដាក់នៅកន្លែងទាប។

យ៉ាងណាមិញក្រោយមានការរិះគន់ និងបញ្ចេញមតិខាងលើពីខាងភាគីមហាជនថៃ ភ្លាមៗនោះអ្នកច្នៃម៉ូដតំណាងជាតិចេញមុខបកស្រាយ និងបង្ហាញនូវហេតុផលច្បាស់ៗពន្យល់ដល់ភាគីថៃវិញថា«សុំបកស្រាយតែប៉ុណ្ណឹងមុនប្រកួត។ តួនាងជាតួបាយសីពីដើមដល់ចុង គឺប្រៀបប្រដូចតួនាងជាបាយសីទាំងមូលត្រង់ជើង គឺប្រៀបជាដើមចេករំព័ន្ធដោយក្បាច់បាយសីតែម្ដង ។

ត្រង់ពេលបាយសីធ្វើពិធីរួចហើយបោះចោលដើរជាន់ពីលើវិញហេតុអី្វក៏រអៀសខ្លួនផង ទោះបោះចោលក៏នៅជាបាយសីគោរព ឬមួយបោះចោលហើយលែងមានន័យអ្វីៗយើងជាអ្នកបង្កើត ដូច្នេះរាល់មតិរិះគន់ក្នុងន័យស្ថាបនាក្រុមយើងខ្ញុំទទួលយកតែសូមកុំជាន់ពន្លិច អរគុណសម្រាប់ការគាំទ្រឈុតមួយនេះ។ អរគុណប្រជាជនថៃដែរឈឺក្បាលនៅមិនសុខ។ Miss Queen Cambodia។

សូមបញ្ជាក់ថាការប្រឡងនេះ បានកំពុងរៀបចំធ្វើឡើងនៅក្នុងស្រុកដោយមានបវរកញ្ញាភេទទី ៣ ច្រើនរូបមកប្រជែងគ្នា ដើម្បីប្រជែងមកុដ។ ចំពោះអ្នកឈ្នះនឹងបន្តទៅកាន់ឆាកអន្តរជាតិហើយ និងបង្វឹកហាត់បន្ថែមទៀតមុនពេលបានឡើងដល់ឆាកដ៏ពិសេសនៅឯក្រៅប្រទេស៕

អត្ថបទ៖ ចាន់រ៉ា