ព្រឹកស្អែក រដ្ឋសភានឹងបន្តសម័យប្រជុំរដ្ឋសភាលើកទី១ ដើម្បីបោះឆ្នោតជ្រើសតាំងសមាជិកគណកម្មការនានា

ព្រឹកស្អែក ថ្ងៃទី ០៥ ខែកញ្ញា វេលាម៉ោង ៨៖ ០០ នាទីព្រឹក រដ្ឋសភានៃព្រះរាជាណាចក្រកម្ពុជា នឹងបន្តសម័យប្រជុំលើកទី១ នីតិកាលទី៧ ក្រោមវត្តមានប្រធានរដ្ឋសភា សម្ដេចមហារដ្ឋសភាធិការធិបតី ឃួន សុដារី​ ដើម្បីធ្វើការបោះឆ្នោតជ្រើសតាំងសមាជិកគណក​ម្មការនានា នៃរដ្ឋសភានីតិកាលទី៧។

សូមរំលឹកថា កាលពីថ្ងៃទី១ ខែកញ្ញា ឆ្នាំ២០២៣ រដ្ឋសភានីតិកាលទី៧ បានបន្តសម័យប្រជុំរដ្ឋសភាលើកទី១ ដោយអនុម័តតាមរបៀបវារៈសំខាន់ដូចជា របៀបវារៈទី១អនុម័តយល់ព្រមលើសំណើរសុំជ្រើសតាំងសមាជិក និងលេខាធិការគណៈកម្មការនានា នៃរដ្ឋសភា នីតិកាលទី៧ ដើម្បីដាក់ជូនសម័យប្រជុំរដ្ឋសភា លើកទី១ នីតិកាលទី៧ ធ្វើការបោះឆ្នោតជ្រើសតាំង។ របៀបវារៈទី២ អង្គប្រជុំបានអនុម័តយល់ព្រម ជ្រើសរើសយកកាលបរិច្ឆេទ ថ្ងៃទី៥ ខែកញ្ញា ដើម្បីបោះឆ្នោតជ្រើសរើសគណៈកម្មការនានានៃរដ្ឋសភា នីតិកាលទី៧៕

អត្ថបទដោយ៖ ង៉ិល ណារ៉ាត់