កីឡា
សម្តេចតេជោ ហ៊ុន សែន ឧបត្ថម្ភម្នាក់ៗ៥លានរៀល ខណៈកីឡាករម្នាក់ៗទទួលបានស្ទើរ៣០លានរៀល
សម្តេចតេជោ ហ៊ុន សែន បានឧបត្ថម្ភដល់កីឡាករខ្មែរ៦រូបដែលម្នាក់ៗទទួលបាន៥លានរៀលសម្រាប់ការប្រកួតមិត្តភាពអន្តរជាតិនៅសង្វៀនទូរទស្សន៍ថោន យប់ថ្ងៃអាទិត្យ ទី៥ ខែវិច្ឆិកា ឆ្នាំ២០២៣។
កីឡាករទាំង៦រូបគឺ ព្រំ សំណាង, ធឿន ធារ៉ា, រឿង សុភ័ណ្ឌ, ផល សោភ័ណ្ឌ, ប៉ឺត សង្ឃឹម និង ឈុត សេរីវ៉ាន់ថង ដែលទទួលបានប្រាក់ឧបត្ថម្ភពីសម្តេចតេជោ ហ៊ុន សែន។
ក្រៅពីសម្តេចតេជោ ហ៊ុន សែន ក៏មានថ្នាក់ដឹកនាំមួយចំនួនទៀតដែលបានជួយឧបត្ថម្ភដល់កីឡាករមានដូចជា លោក ថោង ខុន ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណៈកម្មាធិការជាតិអូឡាំពិកកម្ពុជា (NOCC)ឧបត្ថម្ភ៨លានរៀល, លោក ហ៊ួត ហាក់ រដ្ឋមន្ត្រីក្រសួងអធិការកិច្ចឧបត្ថម្ភ៨លានរៀល, អ្នកឧកញ៉ា លាង ឃុន, អ្នកឧកញ៉ា លាង ម៉េង ឧបត្ថម្ភ៨លាន, លោក វ៉ា សុធា និងលោកស្រីអគ្គនាយិការទូរទស្សន៍ថោនឧបត្ថម្ភ២លានរៀល, លោក អ៉ី ចំរើន ឧបត្ថម្ភ២លានរៀល, តារាចម្រៀង ព្រាប សុវត្ថិ ឧបត្ថម្ភ៤លានរៀល និងអ្នកឧបត្ថម្ភមួយចំនួនទៀត។
ប្រាក់ឧបត្ថម្ភដ៏ច្រើនសន្ធឹកសន្ធាប់ បូករួមទាំងតម្លៃខ្លួនប្រកួតផងនោះ កីឡាករម្នាក់ៗទទួលបានមិនក្រោម៣០លានរៀលឡើយសម្រាប់ការប្រកួតមិត្តភាពកាលពីយប់មិញ។
ការប្រកួតកាលពីយប់មិញនេះ កីឡាករគុនខ្មែរ៥រូបសុទ្ធតែទទួលបានជ័យជម្នះលើដៃគូបរទេស លើកលែងតែ ព្រំ សំណាង ដែលជាគូឯកម្នាក់បានបញ្ចប់ដោយលទ្ធផលស្មើជាមួយកីឡាករមីយ៉ាន់ម៉ា Dave Leduc បន្ទាប់ពីប្រកួតគ្នា៩នាទីគ្មានអ្នកសន្លប់។
គូប្រកួតដែលគួរឲ្យចាប់អារម្មណ៍បំផុតគឺកីឡាករ ធឿន ធារ៉ា និងកីឡាករប្រេស៊ីល Daniel Torres ពីព្រោះកីឡាករប្រេស៊ីលម្នាក់នេះឌឺកីឡាករកម្ពុជាតាំងពីពេលថ្លឹងទម្ងន់រហូតដល់ការប្រកួតនៅលើសង្វៀន។ កាយវិការរបស់ Torres បានធ្វើឲ្យ ធឿន ធារ៉ា ខ្នាញ់មិនស្ទើរទេដោយចាប់ផ្តើមការប្រកួតភ្លាម សម្រុកចូលវ៉ៃ កណ្តាប់ដៃ ទាត់ និងកែងពុះពីលើ។ ទីបំផុត ធឿន ធារ៉ា វាយឲ្យរាប់៨ម្តងក្នុងទឹកទី១ និងវាយកណ្តាប់ដៃពេញនៅក្នុងទឹកទី២បណ្តាលឲ្យសន្លប់តែម្តង៕
អត្ថបទ៖ វីរបុត្រ
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ