ជីវិតកម្សាន្ដ
លោក ណាវ៉ាត់ អបអរ Anntonia ជាប់លំដាប់រងទី១ ខណៈ MGI និង MU ធ្លាប់បង្កជម្លោះក្ដៅគគុក
លោក Nawat Itsaragrisil ប្រធានកម្មវិធីប្រកួតបវរកញ្ញា Miss Grand International ស្រាប់តែចេញមុខជាសាធារៈអបអរសាទរដល់ Anntonia Porsild ក្រោយការប្រកួតបវរកញ្ញាចក្រវាលវគ្គផ្តាច់ព្រ័ត្រនាងទទួលបានជយលាភីលំដាប់រងទី១។
បន្ទាប់ពីការប្រកួតបវរកញ្ញាចក្រវាលវគ្គផ្តាច់ព្រ័ត្រ ទស្សនិកជន និងតារាល្បីៗជាច្រើនក្នុងប្រទេសថៃបានផ្ញើសារអបអរសាទរ និងបង្ហាញពីមោទនភាពចំពោះស្នាដៃរបស់ Anntonia ។ ក្នុងចំណោមនោះ លោក Nawat Itsaragrisil ក៏ចូលរួមចែករំលែកសារដ៏គួរឲ្យភ្ញាក់ផ្អើលស្របពេលដែលបវកញ្ញាតំណាងប្រទេសថៃទទួលបានតំណែងដ៏មានកិត្យានុភាពក្នុងកម្មវិធី Miss Universe ។
ប្រធាន MGI រូបនេះបានបញ្ចេញមតិថា “Anntonia នៅពេលនេះអនុញ្ញាតឲ្យនាងរីករាយនឹងខ្លួនឯង និងក្លាយជាខ្លួនឯង។ នៅពេលដែលនាងសប្បាយចិត្ត ខ្ញុំគិតថាលទ្ធផលនឹងល្អ! ហើយខ្ញុំបានជូនពរនាងឲ្យបានល្អមុនការប្រកួតវគ្គផ្តាច់ព្រ័ត្រ។ នាងមានទេពកោសល្យខ្លាំង សូមអបអរសាទរម្តងទៀតចំពោះតំណែងជើងឯករងទី១ របស់ Anntonia” ។
ទោះយ៉ាងណាក៏ដោយ ទស្សនិកជនជាច្រើនដឹងហើយថា កន្លងមកប្រធានកម្មវិធីប្រកួត Miss Grand International គឺជាសត្រូវជាមួយស្ថាប័នបវរកញ្ញាចក្រវាល Miss Universe ។ លោក ណាវ៉ាត់ ធ្លាបហាមបេក្ខជនដែលចូលរួមក្នុងកម្មវិធី MUT មិនឲ្យចុះឈ្មោះចូលរួមការប្រកួត Miss Grand Thailand។ លើសពីនេះ លោកធ្លាប់ខឹងនិងស្តីឲ្យបវកញ្ញា Aoom Thaweeporn Phingchamrat ដោយសារតែនាងប្រើសំលៀកបំពាក់ទាក់ទងនឹងស្ថាប័ន MUT ។
យ៉ាងណាមិញ ជ័យជម្នះរបស់ Anntonia និងមោទនភាពដែលនាងបាននាំយកទៅប្រទេសថៃនៅ Miss Universe បានធ្វើឲ្យលោក Nawat មានអារម្មណ៍សប្បាយរីករាយជាខ្លាំងពុំធ្លាប់មាន។ អ្នកគាំទ្រជាច្រើនបាននិយាយបែបកំប្លែងថា ប្រហែលជា Anntonia នឹងក្លាយជាទូតសុឆន្ទៈសន្តិភាពដើម្បីជួយស្ថាប័នទាំងពីរត្រូវរ៉ូវគ្នាវិញក៏អាចថាបានដែរ៕
ប្រែសម្រួល៖ សាង ស្រីល័ក្ខ
ចុចអាន៖ថៅកែ Nawat ចេញសេចក្តីប្រកាស ហាមមិនឲ្យទូរទស្សន៍ក្នុងស្រុកមួយផ្សាយពីកម្មវិធី Miss Grand
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ