ព័ត៌មានអន្ដរជាតិ
នាយករដ្ឋមន្ត្រីថៃ បង្ហាញរបៀបវារៈ សម្រាប់កិច្ចពិភាក្សាជាមួយសម្តេចធិបតី ហ៊ុន ម៉ាណែត
តាមការចុះផ្សាយរបស់កាសែតបាងកកប៉ុស្តិ៍, នាយករដ្ឋមន្ត្រីថៃ លោក សេដ្ឋា ថាវីស៊ីន បាននិយាយកាលពីថ្ងៃអង្គារ ទី១៩ ខែធ្នូថា តំបន់ទាមទារត្រួតស៊ីគ្នា (OCA) រវាងប្រទេសថៃនិងកម្ពុជា ក៏ដូចជាបញ្ហាថាមពល គឺនឹងស្ថិតក្នុងរបៀបវារៈនៃកិច្ចពិភាក្សា នៅពេលសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញបំពេញទស្សនកិច្ចនៅប្រទេសថៃក្នុងខែកុម្ភៈ ឆ្នាំ២០២៤ ។
លោក សេដ្ឋា បាននិយាយថា OCA គឺជាបញ្ហាមួយ ក្នុងចំណោមបញ្ហាជាច្រើន ដែលបន្សល់ទុកដោយរដ្ឋាភិបាលមុនៗអស់រយៈពេលជាយូរមកហើយ ។
តំបន់សមុទ្រត្រួតស៊ីគ្នាទំហំ ២៦ ០០០ គីឡូម៉ែត្រការ៉េនេះ គឺជាកន្លែងមានធនធានប្រេង និងឧស្ម័នធម្មជាតិ ហើយវាក៏អំណោយផលដល់ការធ្វើអាជីវកម្ម ដែលអាចកាត់បន្ថយការពឹងផ្អែកលើការផ្គត់ផ្គង់ពីបរទេស និងប្រើប្រាស់សម្រាប់ផលិតអគ្គិសនីក្នុងស្រុកផងដែរ។
ពាក់ព័ន្ធនឹងបញ្ហានេះដែរ រដ្ឋមន្ត្រីថាមពលថៃលោក Pirapan Salirathavibhaga បានលើកឡើងថា កិច្ចពិភាក្សាលើតំបន់ត្រួតស៊ីគ្នានៅឈូងសមុទ្រថៃ នឹងត្រូវចំណាយពេលវេលា ដោយសារវាចាំបាច់ដើម្បីកំណត់ព្រំដែនជម្លោះឲ្យច្បាស់លាស់ ។ កិច្ចពិភាក្សា គួរផ្តោតលើការប្រើប្រាស់រួមនៃប្រភពថាមពលក្រោមដី ហើយក្រសួងការបរទេសក៏ត្រូវតែចូលរួមក្នុងការចរចានេះផងដែរ។
តំបន់ OCA ត្រួតស៊ីគ្នានៅព្រំដែនកម្ពុជា និងថៃក្នុងឈូងសមុទ្រ គឺជាចំណុចនៃជម្លោះរវាងប្រទេសទាំង២ ដែលបានទាមទារតាំងពីដើមទសវត្សរ៍ឆ្នាំ ១៩៧០ មកម្ល៉េះ ហើយអនុស្សរណៈនៃការយោគយល់ដើម្បីរួមគ្នារុករកនៅតំបន់ OCA ត្រូវបានចុះហត្ថលេខានៅក្នុងឆ្នាំ ២០០១ ប៉ុន្តែក្រោយមកត្រូវបានផ្អាកដោយរាជរដ្ឋាភិបាលថៃក្នុងឆ្នាំ ២០០៩ ។
សូមបញ្ជាក់ថា សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា គ្រោងនឹងទៅបំពេញទស្សនកិច្ចនៅប្រទេសថៃ ដើម្បីចូលរួមកិច្ចប្រជុំគណៈរដ្ឋមន្ត្រីរួម កម្ពុជា-ថៃ នៅខែកុម្ភៈ ឆ្នាំ២០២៤ ខណៈនាយករដ្ឋមន្ត្រីថៃ លោក សេដ្ឋា ថាវីស៊ីន បានបញ្ជាក់ទៅប្រព័ន្ធផ្សព្វផ្សាយអំពីដំណើរទស្សនកិច្ចរបស់ប្រមុខដឹកនាំកម្ពុជា បន្ទាប់ពីថ្នាក់ដឹកនាំទាំងពីរបានជួបពិភាក្សាគ្នាក្នុងអំឡុងកិច្ចប្រជុំកំពូលពិសេស អាស៊ាន-ជប៉ុន នៅទីក្រុងតូក្យូ ចាប់ពីថ្ងៃទី១៤ ដល់ថ្ងៃទី១៩ ខែធ្នូ ៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ សម្តេច ហ៊ុន ម៉ាណែត៖ រាជរដ្ឋាភិបាលធានានិរន្តរភាពសម្រាប់ធុរកិច្ច និងវិនិយោគនៅកម្ពុជា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ