ជីវិតកម្សាន្ដ

សេដ្ឋីនី Pang សរសើរចំៗថា Cherry ជាតារាស្រីស្អាតពីធម្មជាតិពិតៗ

បានផុស

២ years មុន

នៅ

ថ្ងៃសុក្រ ២២ ធ្នូ ២០២៣

ដោយ

ពិធីជប់លៀងឆ្លងឆ្នាំដែលមហាជនជាច្រើនទន្ទឹងរង់ចាំ បានចាប់ផ្ដើមកាលពីប៉ុន្មានថ្ងៃនេះ ដោយមានការចូលរួមពីតារាស្រីនៃវិស័យសិល្បៈជួរមុខក្នុងប្រទេសថៃ អបអរយ៉ាងសប្បាយរីករាយ។ ក្នុងការជួបជុំនេះនេះផងដែរ ក៏មានតែក្រុមមិត្តភ័ក្តិជិតស្និទ្ធរបស់លោកស្រី Nualphan Lamsam ឬក្នុងវិស័យបាល់ទាត់ស្គាល់ថាជា Madam Pang តែប៉ុណ្ណោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពប៉ុន្មានសន្លឹកដែលបង្ហោះពីតារាស្រីៗទាំងនោះគេសង្កតឃើញវត្តមានដូចជា Aum Patcharapa, Noon Woranuch, Ann Thongprasom, Aff Taksaorn, Sririta Jensen, Nat Myria, Cherry Khemapsorn មកចូលរួមយ៉ាងសប្បាយរីករាយ។

យ៉ាងណាក៏ដោយ បន្ទាប់ពីពិធីជប់លៀងបានបញ្ចប់យ៉ាងរលូនក្រោមការដឹកនាំរបស់លោកជំទាវ Pang ខ្លួនគាត់ផ្ទាល់បានបានបង្ហោះរូបថតមួយសន្លឹក រួមជាមួយនឹងសារថ្លែងអំណរគុណចំពោះក្រុមមិត្តស្រីៗ ដែលបានចូលរួមសប្បាយរីករាយនាពេលនោះ។

លើសពីនេះទៀតសោត Madam Pang បានបង្ហោះរូបភាពជាមួយតារាសម្ដែង Cherry Khemupsorn និងសរសេរចំណងជើងថាបែបសរសើរចំៗថា “ស្រលាញ់មនុស្សស្អាតពីធម្មជាតិ” ព្រមទាំងថេកឲ្យសាម៉ីខ្លួនផ្ទាល់តែម្ដង។ ស្របពេលដែលមហាជនប្រុសស្រីជាច្រើនបានសម្ដែងការយល់ស្របនិងមតិនេះហើយថា គាត់ពិតជាស្អាតពីធម្មជាតិមែន ខណៈអ្នកខ្លះបានបញ្ចេញមតិថា ទស្សនាភាពយន្តដែល Cherry សម្ដែងតាំងពីក្មេង ឥលូវគាត់នៅតែស្អាតឥតខ្ចោះដដែល។

យ៉ាងណាក៏ដោយ នេះក៏មិនមែនជារឿងប្លែកទេ សម្រាប់តារាស្រីៗមកប្រជុំគ្នាក្នុងផ្ទះរបស់អ្នកចាត់ការជម្រើសជាតិថៃរូបនេះរៀងរាល់ឆ្នាំ។ ជារឿយៗឲ្យតែមុនដំណាច់ឆ្នាំ Madam Pang តែងតែរៀបចំការជួបជុំអបអរឆ្នាំថ្មីជាមួយមិត្តភក្តិដែលសុទ្ធសឹងតែជាតារាល្បីជួរមុខក្នុងប្រទេសថៃមិនដែលអាក់ខានឡើយ៕