ពិធីជប់លៀងឆ្លងឆ្នាំរបស់ម៉ាដាម ​Pang ប្រជុំសុទ្ធតែកំពូលតារាជួរមុខ

ជារៀងរាល់ឆ្នាំ​ Nualphan Lamsam ឬក្នុងវិស័យបាល់ទាត់ស្គាល់ថាជា Madam Pang តែងតែប្រារព្ធពិធីជួបជុំក្រុមមិត្តជិតស្និតរបស់លោកស្រីមិនដែលអាក់ខាន។ ក្នុងនោះគេសង្កេតឃើញនូវវត្តមានតារាល្បីៗជួរមុខដូចជា Aum Patcharapa, Noon Woranuch, Ann Thongprasom, Aff Taksaorn, Sririta Jensen, Nat Myria, Cherry Khemapsorn មកចូលរួមយ៉ាងសប្បាយរីករាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនខុសពីឆ្នាំមុនឡើយ ចុងឆ្នាំ២០២៣នេះ វាក៏ជាព្រឹត្តិការណ៍ដ៏សំខាន់សម្រាប់សកម្មភាពអបអរបុណ្យចូលឆ្នាំថ្មី នៅវិមានរបស់ Madam Pang ដោយលោកស្រីបានអញ្ជើញតារាស្រីៗក្នុងសង្គមថៃដ៏ល្បី ដែលទស្សនិកជនតែងចំណាំថា ពួកគេគឺជាមិត្តស្និតស្នាលនឹងប្រធានសហព័ន្ធបាល់ទាត់ថៃរូបនេះខ្លាំងបំផុត។

ទោះយ៉ាងណាក៏ដោយ ឆ្នាំនេះខុសពី២០២២ ផ្ទះរបស់សេដ្ឋិនីលំដាប់រូបនេះស្រាប់តែលេចមុខតារាសម្ដែងវ័យក្មេងលោក Chanon Santinatornkul ឬ Non និង Tor មកជាមួយផងដែរ។ ដែលនេះបានធ្វើឲ្យទស្សនិកជនហាក់បង្ហាញចំណាប់អារម្មណ៍ភ្ញាក់ផ្អើលខ្លាំង។ ក៏ប៉ុន្តែសម្រាប់មហាជនមួយចំនួនទៀតអាចទស្សទាយដឹងថា វត្តមានតារា​ Non គឺដោយសារតែ Aff ត្រសងមកតែប៉ុណ្ណោះ។

ជាមួយគ្នានោះដែរទៀត តារាសម្ដែងជើងចាស់ Noon Woranuch បានចែករំលែករូបភាពក្នុងបរិយាកាសសប្បាយរីករាយពោរពេញដោយស្នាមញញឹម​ ក្នុងពិធីដ៏ឧឡារិកនេះលើបណ្ដាញសង្គមផ្ទាល់ខ្លួនរបស់នាង ដោយសរសេរសំណេរថា ​រីករាយពិធីជូបជុំមិត្តមុនដំណាច់ឆ្នាំ។

យ៉ាងណាមិញ មិនមែនជារឿងប្លែកនោះទេសម្រាប់តារាស្រីៗមកប្រជុំគ្នាក្នុងផ្ទះរបស់អ្នកចាត់ការជម្រើសជាតិថែរូបនេះ ជារៀងរាល់ឆ្នាំ។​ ជារឿយៗឲ្យតែមុនដំណាច់ឆ្នាំ Madam Pang តែងតែរៀបចំការជួបជុំអបអរឆ្នាំថ្មីជាមួយមិត្តភក្តិដែលសុទ្ធសឹងតែជាតារាល្បីជួរមុខក្នុងប្រទេសថៃ៕

អត្ថបទ៖ សាង ស្រីល័ក្ខ

ចុចអាន៖ចូលរួមមង្គលការមិត្តសំឡាញ់ Chompoo Araya តុបតែងកាយអស់រាប់លានដុល្លារ