កីឡា
សុខ ធី ប្រាប់ពីស្ថានភាពរស់នៅភរិយាជនជាតិថៃក្នុងទីក្រុងភ្នំពេញ
កីឡាករប្រដាល់ សុខ ធី និងភរិយាជាជនជាតិថៃបានមករស់នៅក្នុងទីក្រុងភ្នំពេញ ប្រទេសកម្ពុជាប៉ុន្មានខែមកហើយ បន្ទាប់ពីចាកចេញពីប្រទេសថៃកាលពីប៉ុន្មានខែមុន។
សុខ ធី បានប្រាប់សារព័ត៌មាន«កម្ពុជាថ្មី»ក្នុងបទសម្ភាសមួយកាលពីថ្ងៃសុក្រ ទី២២ ខែធ្នូ ឆ្នាំ២០២៣ថា ភរិយានិងខ្លួន ព្រមទាំងកូនប្រុសអាយុជាងពីរឆ្នាំកំពុងរស់នៅក្នុងទីក្រុងភ្នំពេញយ៉ាងសុខសាន្ត។ ដំបូង ភរិយាមានអារម្មណ៍នឹកស្រុកកំណើតខ្លាំងដោយសារការរស់នៅក្នុងទីក្រុងភ្នំពេញហាក់ដូចជាឯកាបន្តិច ស្របពេលគាត់អាចទំនាក់ទំនងជាភាសាថៃ ប៉ុន្តែនៅភ្នំពេញមិនសូវមានអ្នកនិយាយថៃ ហើយគាត់អត់ចេះនិយាយអង់គ្លេស និងខ្មែរ។
ទោះបីជាយ៉ាងណា របៀបរស់នៅក្នុងទីក្រុងភ្នំពេញមិនសូវខុសប្លែកទៅនឹងការរស់នៅក្នុងប្រទេសថៃប៉ុន្មានឡើយ ដូច្នេះពីមួយថ្ងៃទៅមួយថ្ងៃ ភរិយាមានទម្លាប់សម្រាប់ការស្នាក់នៅស្រុកខ្មែរកាន់តែងាយស្រួល។
សុខ ធី បានប្រាប់ថា ៖«គាត់ (ភរិយា) អត់ចង់ទៅថៃវិញទេ។ គ្រាន់តែថា ពេលទំនេរពីការប្រកួតនាំគ្នាទៅលេងថៃ។ និយាយទៅ ខ្ញុំនិងគាត់ស្អិតរមូតគ្នា ទៅណាមកណាតាមជាប់រហូត។ ថ្ងៃនេះខ្ញុំមកប្រកួតបាល់ទាត់ គាត់មកដែរ។ សម្រាប់គាត់ដែលពិបាកជាងគេគឺភាសា។ ពេលគាត់នៅថៃទៅណាមកណានិយាយថៃ តែនៅខ្មែរអត់មានអ្នកនិយាយថៃជាមួយគាត់។ អីចឹងមានតែខ្ញុំនិយាយជាមួយគាត់ ទៅណាមកណាគាត់តាមខ្ញុំរហូត»។
កីឡាកររបស់ក្លិបឧកញ៉ា ស្រី ចាន់ថន បានបន្ថែមថា ៖«ការមកប្រកួតនៅខ្មែរមិនខុសប្លែកអ្វីច្រើននឹងការប្រកួតនៅថៃទេ។ គ្រាន់តែខុសប្លែកតិចតួច តម្លៃខ្លួនក៏មិនចាញ់នៅថៃប៉ុន្មានដែរ គឺបានតម្លៃខ្លួនជិតស្មើនៅថៃដែរ។ និយាយទៅ មកខ្មែរ ខ្ញុំសប្បាយចិត្តណាស់ ដោយសារយើងបានលេងព្រឹត្តិការណ៍ធំៗ ដណ្តើមពាន ដណ្តើមខ្សែក្រវាត់»។
កាលពីថ្ងៃទី២២ ខែតុលា ឆ្នាំ២០២៣ សុខ ធី បានប្រកួតឈ្នះពានរង្វាន់ម៉ារ៉ាតុង ខណៈចុងសប្តាហ៍នេះរូបគេទទួលបានឱកាសប្រកួតដណ្តើមខ្សែក្រវាត់ទៀតផង។ នៅក្នុងអាជីពប្រដាល់ ខុស ធី មានខ្សែក្រវាត់កាន់តែ១គ្រឿងប៉ុណ្ណោះគឺខ្សែក្រវាត់គុនខ្មែរអន្តរជាតិដែលបានឈ្នះនៅសង្វៀនបាយ័នកាលពីឆ្នាំ២០១៨៕
អត្ថបទ៖ វីរបុត្រ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ