ព័ត៌មានអន្ដរជាតិ

អ្នកប្រើភាសារុស្ស៊ីនៅទឹកដីអ៊ុយក្រែនត្រូវផាកពិន័យជាទឹកប្រាក់ ៨៩ ដុល្លារ

បានផុស

២ years មុន

នៅ

ថ្ងៃពុធ ១០ មករា ២០២៤

ដោយ

អាជ្ញាធរអ៊ុយក្រែនបានអំពាវនាវប្រជាពលរដ្ឋរបស់ខ្លួនឲ្យរាយការណ៍ពីករណីប្រើប្រាស់ភាសារុស្ស៊ីនៅលើទឹកដីខ្លួន ដែលសកម្មភាពនេះគឺដើម្បីបន្ថយឥទ្ធិពលវប្បធម៌រុស្ស៊ីមកលើអ៊ុយក្រែន ។

ប្រភពសារព័ត៌មានអ៊ុយក្រែនបានឲ្យដឹងថា បណ្តឹងអំពីការប្រើប្រាស់ភាសារុស្ស៊ីនៅអ៊ុយក្រែនបានកើនឡើងប្រមាណ ៣០ ភាគរយកាលពីឆ្នាំ ២០២៣ កន្លងទៅ ។

ដោយយោងតាមការិយាល័យនៃគណកម្មការជាតិសម្រាប់កិច្ចការពារភាសាជាតិ បានបង្ហាញទិន្នន័យថា ក្នុងឆ្នាំ២០២៣ គឺមានករណីបំពានច្បាប់ភាសាជាតិប្រមាណ ៣,៦៩២ ករណីក្នុងក្របខណ្ឌទូទាំងប្រទេស ខណៈករណីនៅទីក្រុងធំៗដូចជាទីក្រុងកៀវ, ក្រុង Kharkov និងទីក្រុង Odessa គឺនៅដដែល ។

បើតាមសម្តីលោក Taras Kremen មន្រ្តីទទួលបន្ទុកកិច្ចការបណ្តឹងខាងលើបានលើកឡើងពីករណីជាក់ស្តែងដោយមានករណីផាកពិន័យជាទឹកប្រាក់ទៅលើអ្នកបើកតាក់ស៊ីនៅទីក្រុងកៀវប្រហែល ៨៩ ដុល្លារអាមេរិក ដោយមូលហេតុបម្រើសេវាដល់ភ្ញៀវរបស់ខ្លួនជាភាសារុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះ លោកក៏បានអំពាវនាវបន្ថែមឲ្យប្រជាពលរដ្ឋស្វែងយល់អំពីសកម្មភាពមួយចំនួននៅក្នុងច្បាប់ការពារភាសាជាតិ ក្នុងបំណងដើម្បីចៀសវាងការបំពានច្បាប់ ដែលសរុបន័យឲ្យខ្លីគឺបញ្ចៀសការនាំឲ្យមានឥទ្ធិពលវប្បធម៌ពីរុស្ស៊ីមកលើអ៊ុយក្រែន។

គូសបញ្ជាក់ផងដែរថា ភាសារុស្ស៊ី និងអ៊ុយក្រែនមានប្រភពកំណើតពីភាសា Slavic តែមួយ ប៉ុន្តែនៅតែមានលក្ខណៈបែកចែកដាច់ពីគ្នាបាន ទាំងតួអក្សរ។ ប៉ុន្តែនៅក្នុងចំណោមភាសាអ៊ុយក្រែនបែបទំនើប មានលាយឡំចំណុចរួមគ្នាខ្លះជាមួយភាសារុស្ស៊ី ភាសាបេឡារុស និងភាសាប្រទេសផ្សេងទៀតនៃប្រទេសជិតខាងក្នុងតំបន់៕

ប្រែសម្រួល៖ មាន រតនា

ប្រភព៖ RT

Related Topics:ប្រទេសរុស្ស៊ី ប្រទេសអ៊ុយក្រែន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា