កីឡា
សារ៉េត គ្រីយ៉ា ពីក្មេងប្រមូលកាកសំណល់ត្រីតាមផ្សារមុនពេលជោគជ័យ
កីឡាករបាល់ទាត់ជម្រើសជាតិកម្ពុជា និងជាសមាជិកព្រះខ័នរាជស្វាយរៀង សារ៉េត គ្រីយ៉ា កាលពីតូចធ្លាប់ដើរប្រមូលកាកសំណល់ត្រីតាមផ្សារ និងទៅរកត្រីជាមួយឪពុកដើម្បីផ្គត់ផ្គង់ជីវភាពគ្រួសារ។
សារ៉េត គ្រីយ៉ា បានឲ្យដឹងថា ក្រុមគ្រួសាររបស់ខ្លួនរស់នៅក្រុងតាខ្មៅដែលមានជីវភាពខ្វះខាត។ ក្រុមគ្រួសារគ្មានការងាររកស៊ីធំដុំទេដោយឪពុកជាអ្នករកត្រីតាមបឹងទន្លេ ខណៈម្តាយលក់ត្រីនៅផ្សារ។ រូបគេមិនបានរៀនសូត្រច្រើនទេ ប៉ុន្តែភាគច្រើនទៅតាមម្តាយនៅផ្សារ និងទៅតាមឪពុករកត្រី។
ខ្សែការពារព្រះខ័នរាជស្វាយរៀងបាននិយាយថា ៖«ពុកខ្ញុំជាបុគ្គលិកក្រសួងអប់រំ ហើយគាត់ក៏ជាអ្នកនេសាទដែរ។ ម៉ែខ្ញុំជាអ្នកលក់ត្រី។ រឿងពិបាកបំផុតគឺគ្រួសាររបស់ខ្ញុំអត់មានផ្ទះនៅខ្លួនឯងពិតប្រាកដ។ ខ្ញុំមានបងប្អូន៧នាក់ស្នាក់នៅជាមួយម្តាយម៉ីង។ កាលពីតូច ខ្ញុំអត់សូវបានហាត់បាល់ដិតដល់ដែរ ពីព្រោះខ្ញុំត្រូវជួយម៉ែលក់ត្រី»។
«នៅផ្សារ ខ្ញុំដើរប្រមូលអាចម៌ត្រីនៅតាមផ្សារយកមកធ្វើទឹកត្រី។ ធ្វើទឹកត្រីបាន១ធុង យកទៅលក់បានលុយប្រហែលជា៦០០០រៀល បានលុយហ្នឹងយកទៅហាត់បាល់។ ជូនកាលខ្ញុំទៅជាមួយពុកដល់កន្លែងរកត្រី។ ខ្ញុំក្រោកពីដេកប្រហែលជាម៉ោង៤កន្លះជួយដឹកត្រីម៉ែទៅផ្សារ។ ជូនកាលពុកអត់ទៅធ្វើការ ខ្ញុំអាចជិះម៉ូតូពុកទៅហាត់បាល់។ ថ្ងៃខ្លះជិះម៉ូតូជាមួយមិត្តភក្តិ។ បើមិត្តភក្តិអត់ទៅហាត់ ក៏អត់មានអីជិះ ជូនកាលអត់បានទៅហាត់បាល់ដែរ»។
សារ៉េត គ្រីយ៉ា បានប្រាប់ថា ម្តាយរបស់ខ្លួនជាអ្នកជំរុញលើកទឹកចិត្តយ៉ាងខ្លាំងចំពោះការលេងបាល់ទាត់ ប៉ុន្តែឪពុកមិនសូវជំរុញខ្លាំងទេ ដោយសារលោកគិតថា បាល់ទាត់នឹងមិនផ្តល់អ្វីច្រើន។ ទោះបីជាយ៉ាងណា លោកឪពុកមិនបានហាមឃាត់ក្នុងការលេងបាល់ដែរ។
«រហូតដល់សព្វថ្ងៃនេះ ពេលខ្លះ ម៉ែនៅតែនិយាយពាក្យ«មិននឹកស្មានដល់»ដាក់ខ្ញុំ ពីព្រោះគាត់ស្ទើរតែមិនជឿថា អាជីពបាល់ទាត់របស់ខ្ញុំមានថ្ងៃនេះ»។ សារ៉េត គ្រីយ៉ា រម្លឹកពីម្តាយនិយាយពីបាល់ទាត់របស់ខ្លួន។
បច្ចុប្បន្ននេះ សារ៉េត គ្រីយ៉ាង កំពុងទទួលបានការចាប់អារម្មណ៍យ៉ាងខ្លាំងសម្រាប់ការលេងរបស់ខ្លួននៅក្នុងរដូវកាលនេះ បន្ទាប់ពីរូបគេរកបានគ្រាប់បាល់ញឹកញាប់ទាំងក្នុងលីគ និងពានរង្វាន់សម្តេចតេជោ ហ៊ុន សែន ក្នុងនាមជាខ្សែការពារ៕
សូមរង់ចាំទស្សនាវីដេអូលំអិតពីជីតរបស់កីឡាករ សារ៉េត គ្រីយ៉ា។
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម