ព័ត៌មានអន្ដរជាតិ
ផ្ទុះគ្រាប់បែកក្នុងបរិវេណ FBI នៅ អាមេរិក របួសមនុស្ស ១៦ នាក់ ខណៈម្នាក់ដើរទៅពេទ្យដោយខ្លួនឯង
មនុស្សចំនួន ១៦ នាក់បានរងរបួសក្នុងហេតុការណ៍ផ្ទុះគ្រាប់បែកនៅឯកន្លែងហ្វឹកហ្វឺនរបស់ FBI ក្នុងទីក្រុង Irvine រដ្ឋ Southern California របស់សហរដ្ឋអាមេរិក ខណៈបច្ចុប្បន្ន FBI ក៏កំពុងបើកការស៊ើបអង្កេតលើករណីមិននឹកស្មានដល់មួយនេះផងដែរ ។ នេះបើយោងតាមការចេញផ្សាយដោយសារព័ត៌មាន CBS News កាលពីថ្ងៃទី១៣ ខែមីនាកន្លងទៅ ។
អ្នកនាំពាក្យនាយកដ្ឋានតម្រួត Orange County បានប្រាប់សារព័ត៌មាន CBS Los Angeles ថា ហេតុការណ៍នេះកើតមានឡើងនៅម៉ោង ១ រសៀលថ្ងៃពុធ (ម៉ោងនៅសហរដ្ឋអាមេរិក) បណ្ដាលឲ្យមនុស្ស ១៦ នាក់រងរបួស ក្នុងនោះ ១៣ នាក់រងរបួស ដោយសារវិលមុខ និងឈឺត្រចៀក ព្រោះតែថ្លង់សំឡេងផ្ទុះដ៏កក្រើក ខណៈជនរងគ្រោះ ៣ នាក់ទៀតរបួសខ្នង និងជើងតម្រូវឲ្យធ្វើការវះកាត់ ។
អ្នកនាំពាក្យបានបញ្ជាក់បន្ថែមថា ក្រោយកើតហេតុ ក្រុមគ្រូពេទ្យរបស់អាជ្ញាធរពន្លត់អគ្គីភ័យ Orange County បានបញ្ជូនជនរងគ្រោះចំនួន ១៥ នាក់ទៅកាន់មន្ទីរពេទ្យក្បែរនោះ ខណៈដែលអ្នករងរបួសម្នាក់ទៀតបានដើរទៅរកពេទ្យដោយខ្លួនឯង ដោយសារតែរបួសស្រាល ។
អ្នកនាំពាក្យរបស់តម្រួតបាននិយាយទៀតថា ឧបទ្ទវហេតុនេះបានកើតឡើង អំឡុងពេលសមយុទ្ធហ្វឹកហាត់រួមគ្នារវាងក្រុមរំដោះគ្រាប់បែក Bomb Squad និងក្រុមប្រដាប់អាវុធពិសេស SWAT របស់នាយកដ្ឋានតម្រួត Orange County ហើយការផ្ទុះបានកើតឡើងនៅខាងក្នុងអគារតូចមួយនៃបរិវេណរបស់ FBI ។
ពាក់ព័ន្ធនឹងបញ្ហានេះ FBI ក៏បានចេញសេចក្ដីថ្លែងការណ៍មួយផងដែរថា “ក្រុមការងារ FBI កំពុងបើកការស៊ើបអង្កេតលើករណីនេះ ខណៈរឿងហេតុដែលឈានទៅដល់ការផ្ទុះនេះនៅតែមិនទាន់មានតម្រុយនៅឡើយទេ ជាពិសេសឧបករណ៍បំផ្ទុះក៏មិនទាន់រកឃើញដូចគ្នា ហើយបច្ចុប្បន្នអគារដែលរងការបំផ្ទុះក៏កំពុងដាក់ខ្សែហ៊ុមព័ទ្ធដោយប៉ូលិស” ៕
ដោយ ៖ សុខ ជីវ័ន្ត
ចុចអាន ៖ លោក ពូទីន ថា អាមេរិក កំពុងសំងំរៀបគម្រោងលូកលាន់ការបោះឆ្នោតប្រធានាធិបតី រុស្ស៊ី
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ