ទីប្រឹក្សា និងជំនួយការក្រសួងមហាផ្ទៃ ចំនួន ៤១រូប ត្រូវបានបញ្ចប់មុខតំណែង

ទីប្រឹក្សា និងជំនួយការក្រសួងមហាផ្ទៃ ចំនួន៤១រូបត្រូវបានបញ្ចប់មុខតំណែង។ នេះបើតាមព្រះរាជក្រឹត្យដែលចេញដោយព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងអនុក្រឹត្យដែលចេញដោយសម្ដេចមហាបវរធិបតី ហ៊ុន​ ម៉ាណែត នាយករដ្ឋមន្ត្រីនៃកម្ពុជា។

តាមព្រះរាជក្រឹត្យ ទីប្រឹក្សាក្រសួងមហាផ្ទៃចំនួន១៦រូប ដែលមានឋានៈចាប់ពីអគ្គនាយករហូតដល់រដ្ឋលេខាធិការត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចេញព្រះរាជក្រឹត្យត្រាស់បង្គាប់បញ្ចប់មុខតំណែង។

តាមអនុក្រឹត្យ ជំនួយការក្រសួងមហាផ្ទៃចំនួន២៥រូបដែលមានឋានៈចាប់ពីប្រធាននាយកដ្ឋានរហូតដល់ឋានៈស្មើអគ្គនាយករង ត្រូវបានសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បញ្ចប់មុខតំណែង៕